Varegos

Na Galipedia, a Wikipedia en galego.

Os varegos ou varengos eran unha tribo pertencente ao grupo escandinavo procedente do territorio que actualmente corresponde a Suecia e Dinamarca.

Dedicábanse ao comercio, á piratería e a actividades mercenarias e actuaban nos sistemas e portos fluviais do que máis tarde sería Rusia, chegando a alcanzar o Mar Caspio e Constantinopla. Segundo a opinión máis estendida, o seu nome provén do nórdico antigo Væringjar, unha suposta forma plural de várar: "promesa, palabra de honra".

Os eslavos orientais e os bizantinos non distinguían aos escandinavos de outros pobos xermánicos cando utilizaban este termo. Na Crónica de Néstor, emprégase incluíndo aos daneses e os anglos.