Teenage Jesus and the Jerks

Na Galipedia, a Wikipedia en galego.
Teenage Jesus and the Jerks
Orixe Nova York, Estados Unidos Flag of the United States.svg
Período 19761979
2008 – actualidade
Xénero(s) post-punk, No wave, noise rock
Selo(s) discográfico(s) Migraine Records, Lust/Unlust, ZE Records, Celluloid
Membros Lydia Lunch
Gordon Stevenson
Reck
Jim Sclavunos
James Chance
Bradley Field


Teenage Jesus and the Jerks foi unha influente banda de post-punk procedente de Nova York que formou parte do movemento No Wave da cidade. Fundado por Lydia Lunch e polo saxofonista James Chance, o grupo estivo activo dende 1976 ata 1979, editando so un feixe de sinxelos.

Chance deixou a banda para formar The Contortions e así perseguir o seu propio son. Ambos grupos apareceron no LP seminal No New York, unha mostra da primeiro escena No Wave recompilada e producida por Brian Eno.

Famosos por realizar concertos de dez minutos cheos de temas de 30 segundos, trataron de levar a música máis aló do que Lunch vía como o tradicionalismo do punk rock.

O grupo deixou atrás máis dunha ducia de cancións gravadas completas, a maioría das cales foron recompiladas no CD de 18 minutos retrospectivo titulado Everything. Porén existen outras versións de estudio doutras cancións xunto cun feixe de gravacións en directo.

Poucas bandas acadaron un impacto tan grande con tan pouco material, non só nos Estados Unidos, senón tamén no Reino Unido a onde chegaron a través da radio.

Lunch e Chance convertiríanse en figuras de culto na escena underground de Nova York, e a banda foi citada coma unha importante influencia por moitos grupos post-punk posteriores coma Sonic Youth.

A banda reuníuse no ano 2008 para unha serie de actuacións, co guitarrista de Sonic Youth Thurston Moore, e continuou facendo concertos sen Moore durante o 2009.

Discografía[editar | editar a fonte]

  • "Orphans/Less of Me" - 1978 (Migraine Records - Lust/Unlust) vinilo de 7"
  • "Baby Doll" - 1979 (Migraine Records - Lust/Unlust) vinilo de 7"
  • Pink EP - 1979 (Migraine Records - Lust/Unlust) vinilo de 12"
  • Pre-Teenage Jesus EP - 1979 (ZE Records) vinilo de 12"