Sodalita

Na Galipedia, a Wikipedia en galego.
Sodalita
Sodalita z.jpg
Sodalita masiva
Fórmula química: Na8(AlSiO4)6Cl2
Clase: Silicatos
Subclase: Tectosilicatos
Sistema cristalino: Cúbico
Cor: Incolora, negra, azul
Brillo: De vítreo a graso
Dureza: 5,5-6
Fractura: Concoidea
Exfoliación: Imperfecta
Raia: Branca
Densidade: 2,3 g/cm3

A sodalita é un mineral da clase dos silicatos cuxa fórmula química é Na8(AlSiO4)6Cl2 (25,5% de Na2O, 31,5% de Al2O, 37,5% de SiO2 e 5,5% de cloro).

Aspecto[editar | editar a fonte]

A sodalita preséntase normalmente de forma masiva, amorfa e granulada aínda que non é raro atopar cristais cúbicos dunha maior transparencia e pureza. É de cor azul e negra, aínda que pode aparecer tamén incolora.

Variedades da sodalita[editar | editar a fonte]

Existen dous tipos de sodalitas:

  • Hackmanita, que contén algo de xofre (S).
  • Molibdosodalita, que contén algo de molibdeno (Mo).

Lugares onde se atopa[editar | editar a fonte]

Aparece en rochas pobres en sílice coma as sienitas e os basaltos.

Usos da sodalita[editar | editar a fonte]

Descuberta en 1806 en Groenlandia, a sodalita non se utilizou coma material ornamental de importancia ata 1891 cando grandes xacementos de calidade foron atopados en Ontario (Canadá). Dende entón coñécese co sobrenome de princesa azul despois de que a Princesa Patricia, de visita en Ontario pouco tempo despois do seu descubrimento, elixise a sodalita para a decoración interior do Marlborough House en Inglaterra.

Propiedades[editar | editar a fonte]

A sodalita presenta efervescencia ó contacto con ácido clorhídrico.

Outros silicatos[editar | editar a fonte]

Outros silicatos a destacar son o cuarzo, a mica, o feldespato e a olivina.