Saratov

Na Galipedia, a Wikipedia en galego.
Vista aérea do centro de Saratov

Saratov (en ruso Сара́тов) é unha cidade localizada no sur de Rusia, centro administrativo do Óblast de Saratov, un dos principais portos do río Volga e nó ferroviario e de comunicacións por estrada, conta con aeroporto internacional a súa poboación é de 837.831 habitantes (2010) e constitúe un centro industrial diversificado e é sede de numerosas institucións culturais e pedagóxicas. Fundouse como unha fortaleza para gardar as fronteiras do sur de Rusia en 1590, desenvolvéndose na segunda metade do século XVIII como centro do comercio de peixe e sal e no XIX de gran. A partir da década de 1930 comezou a industrialización da cidade.