Santa Marta de Tormes

Na Galipedia, a Wikipedia en galego.

Santa Marta de Tormes é un municipio na provincia de Salamanca, na Comunidade Autónoma de Castela e León, España. Está a unha distancia de 3 km de Salamanca, a capital provincial.

Xeografía[editar | editar a fonte]

O termo municipal ocupa unha superficie de 10,01 km², situado ao sur do río Tormes. Limita ao norte con Salamanca e Cabrerizos, separado de ambas polo río Tormes que establece a división. Ao oeste, limita con Carbajosa de la Sagrada, e ao sur e ao leste con Pelabravo. O municipio está dividido pola autovía da estrada N-501, que comunica Salamanca con Madrid. Esta estrada de circunvalación separa o núcleo urbano da cidade de Santa Marta de Tormes do núcleo de urbanizacións de vivendas unifamiliares, a maior das cales é Valdelagua, á que se engadiron varias urbanizacións residenciais máis. Ademais, tamén se pode acceder ao municipio desde o sur pola estrada C-510, se se fai desde pobos como Alba de Tormes ou Piedrahíta. A altitude media do municipio é de 784 m sobre o nivel do mar. O centro urbano está emprazado nas coordenadas xeográficas 40º 57' 8" de latitude Norte e 5º 37' 56" de lonxitude Oeste.