Alba de Tormes

Na Galipedia, a Wikipedia en galego.

Coordenadas: 40°50′N 5°30′W / 40.833°N 5.500°W / 40.833; -5.500

Alba de Tormes
EscudocasadeAlba.JPG Escudoalbadetormes.gif
20060706-Alba de Tormes Torre.jpg
Torre da Homenaxe do Castelo dos Duques de Alba.
Situación xeográfica
Situación dentro da provincia de Salamanca
País España España
Comunidade Autónoma Castela e León Castela e León
Xeografía
Altitude 842 msnm
Superficie 46,51 km²
Poboación
Poboación 5 382 hab. (en 2012)
Densidade 115,72 hab./km²
Xentilicio albense
Información
Código postal 37800
Alcalde María Concepción Miguélez (PP)
Páxina web albadetormes.com

Alba de Tormes é un municipio na provincia de Salamanca, na Comunidade Autónoma de Castela e León, España. Alba de Tormes é tamén o nome do seu principal núcleo de poboación.

De pouco máis de 3000 habitantes en 1900, a súa poboación foi aumentando durante a maior parte do século XX. A finais de 2005 contaba cunha poboación de 4953 habitantes, 2.457 homes e 2.496 mulleres, nunha superficie de 46,51 km². A súa altitude é de 830 m sobre o nivel do mar.

Limita: ao N co municipio de Garcihernández, ao E co municipio de Aldeaseca de Alba, ao SE co municipio de Navales, ao S co municipio de Encinas de Arriba, ao SO co municipio de Martinamor, e ao O co municipio de Terradillos.

A súa economía basease en cereais, remolacha azucreira, garavanzos e patacas. Cultivo de regadío e de secaño.

Historia[editar | editar a fonte]

Alba de Tormes é un municipio histórico. Conten a vila do mesmo nome, que conforma o Ducado de Alba de Tormes, antigo condado e señorío. Ademais neste concello está o sepulcro de Santa Teresa de Xesús, onde se conserva o seu corpo incorrupto.

Monumentos[editar | editar a fonte]

  • Basílica (S. XIX): Templo inacabado de estilo. Foi concibida para albergar os restos da Santa e acoller os miles de peregrinos que ían visitalos. Cabe tamén destacar as 8 capelas laterais.
  • Castelo dos Duques de Alba: Comezouse a construír sobre 1430, e concluíuse no século XVI, sendo desde o momento da súa construción residencia dos Duques de Alba. A sobriedade dos severos muros da antiga Torre da Homenaxe contrasta coa grandeza do seu interior, onde a Sala da Armería mostra excepcionais frescos renacentistas realizados polo italiano Cristóbal Passini. A sala baixa alberga unha interesante exposición dos restos arqueolóxicos encontrados nas escavacións realizadas no propio castelo en 1993.
  • Ermida da virxe de Otero.
  • Ponte do río Tormes.
  • Igrexa MM Benedictinas.
  • Colexio - Seminario San Xerome: É un mosteiro que pertenceu aos Premostratense e que despois pasou aos Xerónimos, e de aí lle ven o seu nome. Na actualidade é un colexio dos Padres Reparadores[1].
  • Igrexa de Santiago: É a máis antiga de Alba. Foi albergue de peregrinos. Mestura o mourisco e o románico, combinando ladrillo e pedra.
  • Igrexa de San Juan de la Cruz: Primeiro templo do mundo dedicado ao santo carmelitano.
  • Igrexa de San Xoán: Foi construída a finais século XII e principios do XIII. É de estilo Románico-mudéxar e declarada Monumento Nacional. Alberga no seu interior pezas extraordinarias encadradas dentro dos máis variados estilos, entre as que se encontra o Apostolado románico-bizantino de pedra areisca policromada.
  • Igrexa de San Pedro: Portada gótica que perdura despois dun incendio que destruíu por completo o templo. É a sede parroquial de Alba.

Festas[editar | editar a fonte]

  • 5 de febreiro.
  • 25 - 27 de agosto: Festa da Transverberación de Santa Teresa ou Festas de verán.
  • 14 - 22 de outubro: Festas Patronais en honor de Santa Teresa.

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Alba de Tormes