SEAT 600

Na Galipedia, a Wikipedia en galego.
SEAT 600
Seat 600 (1).jpg
Fabricante España SEAT
Produción 1957-1973
Predecesor -
Sucesor SEAT 850
Motor 633 e 767 cc
Potencia 21,5 e 29 CV
Lonxitude 3,295 m
Anchura 1,380 m
Altura 1,350 m

O SEAT 600 é un modelo de automóbil de turismo cativo, producido polo fabricante español SEAT entre os anos 1957 e 1973, copiando o deseño do FIAT 600. Foi o segundo modelo comercializado pola marca española tralo SEAT 1400. O SEAT 600 pertence ó segmento de vehículos con motor traseiro, tracción traseira e dúas portas.

O primeiro coche deste modelo saíu da fábrica de Barcelona o 27 de xuño de 1957, a un prezo de venda de 60.000 pesetas (o salario medio daquela rondaba as 50.000 pesetas anuais). O último foi fabricado o 3 de agosto de 1973 [1].

O motor orixinal de gasolina tiña 4 cilindros en liña, 633 cc e producía 21'5 cabalos de potencia. En 1963 saíu ó mercado o modelo 600D, que contaba cun motor de 767 cc que entregaba 29 cabalos.

Na época na que estivo no mercado, tiña como principais rivais ó Citroën 2CV, ó Volkswagen Escarabajo, ó Renault 4 ou ó Mini.

Do SEAT 600 producíronse case 800.000 unidades [2].

Notas[editar | editar a fonte]

  1. Calendario 2014 MUNCYT e información colocada xunto ó Seat 600 exposto no MUNCYT Coruña.
  2. Segundo a web Museoseat.com, 797.349 unidades; segundo o Calendario 2014 MUNCYT, 799.419.

Véxase tamén[editar | editar a fonte]

Ligazóns externas[editar | editar a fonte]