Richard Ford

Richard Ford

Biografía
Nacemento	16 de febreiro de 1944 (80 anos) Jackson, Estados Unidos de América
Datos persoais
País de nacionalidade	Estados Unidos de América
Educación	Michigan State University (pt) Universidade da Califórnia em Irvine (pt) Great Falls High School (en) Universidade Washington em St. Louis (pt) Universidade de Míchigan Murrah High School (en)
Actividade
Ocupación	escritor , autor , novelista , guionista
Período de actividade	1976 -
Empregador	Bowdoin College (pt) Universidade de Columbia Universidade do Mississippi (pt)
Membro de	Academia Estadounidense das Artes e as Letras Academia das Artes e das Ciencias dos Estados Unidos Real Sociedade de Literatura
Xénero artístico	Novela e conto
Movemento	Realismo sucio e Kmart realism (en)
Lingua	Inglés estadounidense e lingua inglesa
Obra
Obras destacables (1987) Rock Springs (en) (1990) Vida brava (2012) Canada (en)
Premios (2018)  Siegfried Lenz Prize (en) (2016)  Premio Príncipe de Asturias das Letras (2013)  Premio Femina étranger (2012)  Heartland Prize (en)  doutor honoris causa pola Universidade de Rennes 2  Prémio PEN/Malamud (pt)  Bolsa de estudos Guggenheim  membro da Royal Society of Literature  Prémio PEN/Faulkner de Ficção (pt)  Premio Pulitzer de Ficción

Richard Carrel Ford, nado en Jackson, Mississippi, Estados Unidos o 16 de febreiro de 1944, é un escritor estadounidense.

Traxectoria

Familia e primeiros anos

Fillo de Parker Carrel, vendedor ambulante de amidón, que morreu cando Ford tiña 16 anos e de Edna Ford. O seu avó, Ben Shelley, era o xerente do Marion Hotel en Little Rock . De neno, Ford pasou moitos veráns no hotel e lembra que as estadías lle permitiron entrar no mundo adulto, e que as observacións das relacións entre homes e mulleres iluminaron despois parte da súa obra literaria.

Ford padecía un certo grao de dislexia que parece que lle axudou a desenvolver un interese pola literatura.

De mozo traballou como socorrista no "Little Rock Country Club" e no ferrocarril de Arkansas como axudante de maquinista. Alistouse nos "marines" pero foi dado de alta por mor dunha hepatite.

Asistiu á Davis Elementary School en Jackson. En 1966 recibiu o título de Bachelor of Arts (BA) pola Universidade Estatal de Míchigan e en 1970 o MFA pola Universidade de California. Despois dunha breve etapa na facultade de dereito, comezou a escribir ficción e volveu a Little Rock para traballar como profesor adxunto na Central High School de Flint, Míchigan.

Con 23 anos, o 28 de marzo de 1968, casou con Kristina, unha antiga compañeira de escola. Kristina é licenciada en Filosofía e profesora na Universidade de Nova York. A parella, que non ten fillos, vive actualmente no barrio francés de Nova Orleans.

Carreira literaria

En 1976 publicou a súa primeira novela " A Piece of My Heart" e en 1981 " The Ultimate Good Luck ". As malas vendas obrigárono a abandonar a ficción e pasou a traballar como reporteiro deportivo para a revista New York Inside Sports, pero en 1982 foi despedido e volveu á literatura con " The sportswriter " protagonizada por Frank Bascombe, que foi citada pola revista Time . como unha das cinco mellores novelas de 1986 e finalista do premio PEN/Faulkner.

Profesor

Ademais da súa actividade xornalística e literaria, Ford desenvolveu unha ampla actividade académica como docente:

• Universidade de Princeton (1980-1981)
• Universidade de Harvard (1994)
• Profesor no Bowdin College (2005)
• Profesor adxunto no Oscar Wilde Centre, Trinity College Dublin, ensinando escritura creativa ( 2008 )
• Profesor de ficción na Universidade de Mississippi ( 2011 )
• Escola de Artes da Universidade de Columbia ( 2012 )

Obras

• 1976: A Piece of My Heart
• 1981: The Ultimate Good Luck
• 1983: American Tropical
• 1986: The sportwriter
• 1987: Rock Springs
• 1990: Wildlife,
• 1991: Bright Angel
• 1992: Editor
• 1995: Independence Day
• 1997: Women with Men
• 1998: My Mother in Memory
• 2002: A Multitude of Sins
• 2006: The Lay of the Land
• 2012: Canada
• 2015: Let Me Be Frank With You
• 2017: Between Them: Remembering My Parents

Tamén recompilou contos de autores estadounidenses:

• 1990: American Short Stories
• 1992: The Granta Book of the American Short Story

Premios

• 1987: Academia Americana de Artes e Letras para a Literatura
• 1995: Premio Pulitzer de ficción
• 1996: Premio Pen/Faulkner de ficción
• 1994: Premio Rea ao relato curto
• 2013: Prix Femina Etranger e Medalla Andrew Carnegie á Excelencia por " Canadá "
• 2016: Premio Princesa de Asturias das Letras
• 2019: Premio da Biblioteca do Congreso á ficción estadounidense