Respiración

Na Galipedia, a Wikipedia en galego.
Diagrama do intercambio pulmonar de gases na respiración (en italiano).

Por respiración enténdese xeralmente o proceso fisiolóxico indispensable para a vida de organismos aeróbicos.

Características[editar | editar a fonte]

Segundo os distintos hábitats, os distintos seres vivos aeróbicos desenvolveron diferentes sistemas de intercambio de gases: cutáneo, traqueal, branquial, pulmonar. Consiste nun intercambio gasoso osmótico (ou por difusión) co seu medio ambiente no que se capta osíxeno, necesario para a respiración celular, e refúgase dióxido de carbono, como subproduto do metabolismo enerxético.

Plantas e animais, o mesmo que outros organismos de metabolismo equivalente, relaciónanse a nivel macroecolóxico pola dinámica que existe entre respiración e fotosíntese. Na respiración utilízanse o osíxeno do aire, que á súa vez é un produto da fotosíntese osixénica, e refúgase dióxido de carbono; na fotosíntese utilízase o dióxido de carbono e prodúcese o osíxeno, necesario logo para a respiración aeróbica.

A reacción química global da respiración é a seguinte:

C6 H12 O6 + 6O2 → 6CO2 + 6H2O + enerxía (ATP)

Véxase tamén[editar | editar a fonte]

Outros artigos[editar | editar a fonte]