Río Kaveri
| Kaveri | |
 O Kaveri no curso alto en Dubare |
|
| País | India |
| Rexión | n/d |
| Nacemento | Raipur |
| Altitude | n/d |
| Lonxitude | 760 km |
| Caudal medio | |
| Conca | 70.000 km2 |
| Desembocadura | Océano Índico |
O Kaveri é un dos ríos principais do sur da India, cunha lonxitude de 760 km, vertendo as súas augas no golfo de Bengala. A grafía inglesa Cauvery foi moi utilizada. O río aparece xa na Xeografía de Claudio Ptolomeo como Khaberos.
Índice |
Percorrido [editar]
O Kaveri nace nos montes Gates occidentais, en Talakaveri, unha cidade santa, a 1.276 m.s.n.m., para entrar logo no estado federal de Karnataka. Neste estado o río divídese en dous brazos, formando a illa de Sivasamudram, antes de caír desde unha altura duns 100 metros nas fervenzas do Kaveri, que son estimadas como das máis fermosas da India. Logo atravesa o estado de Tamil Nadu, onde baña as cidades de Tanjavûr e de Tiruchirapalli , para finalmente dasaugar no golfo de Bengala, ao sur de Gondelur, nun grande delta de máis de 150 km, moi fértil e servido por canles de rego.
Afluentes [editar]
Entre os principais de entre os numerosos tributarios do Kaveri están: o Hemavati, o Arkavathy, o Lakshmana Tirtha, o Kabini, o Bhavani, o Noyyal e o Amaravati.
Obras hidráulicas [editar]
Para aproveitar as súas augas para regar os campos, o Kaveri conta con obras moi antigas, especialmente no delta, como os encoros de Grande Anikut ou o de Kallanai, este construído no século II por Karikâla, durante o período da dinastía Chola.
Nas fervenzas do Kaveri, en 1902, foi levantada a fábrica de electricidade máis antiga da India.
Sacralidade [editar]
O Kaveri está considerado como o segundo río máis santo do país, de xeito que con frecuencia é chamado o "Ganxes do sur". Forma parte da nómina dos sete ríos sagrados da India.
