Parque Nacional do Teide

Na Galipedia, a Wikipedia en galego.
Patrimonio da Humanidade - UNESCO
Parque Nacional do Teide
Teide Tenerife4.jpeg
Roque Cinchado e o Teide
Flag of UNESCO.svg Información Flag of UNESCO.svg
Inscrición: 2007
País: España España
Localización: Canarias Canarias
Rexión: Europa e América do Norte
Tipo: Natural
Criterios: vii, viii
Descrición UNESCO: fr en

O Parque Nacional do Teide ocupa a zona máis alta da illa de Tenerife, nas Canarias. Declarado o 22 de xaneiro de 1954 como parque nacional,[1] é o máis grande e antigo dos parques nacionais das Illas Canarias, e un dos máis antigos de España. En 2007 foi declarado Patrimonio da Humanidade pola UNESCO e tamén desde ese ano o Parque Nacional do Teide é considerado como un dos 12 Tesouros de España.[2]

Nesta zona atópase o volcán do Teide que cos seus 3.718 metros, é o pico máis alto de Canarias, de España e de calquera terra emerxida do Océano Atlántico. É ademais, o terceiro volcán máis grande do mundo desde a súa base, só superado polo Mauna Loa e o Mauna Kea en Hawai. Xunto ao Teide atópase a segunda montaña máis alta do Arquipélago Canario, o Pico Viejo con 3.135 metros sobre o nivel do mar, sendo ambos as únicas montañas canarias que exceden os 3.000 metros de altitude.

O Parque Nacional do Teide, foi en 2008 o Parque nacional máis visitado dos catro cos que contan as Illas Canarias cun total de 2,8 millóns de visitantes, segundo datos do Instituto Canario de Estatística (ISTAC), sendo ademais o Parque Nacional máis visitado de España, o máis visitado de Europa e o segundo do mundo con 3.142.148 visitantes en 2007.[3]

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Parque Nacional do Teide