Périgueux

Catedral de Saint-Front, vista desde a Pont des Barris.

Périgueux, en occitano Periguers [peri'gʏ:] ou Peireguers [pejre'gʏ:], é unha cidade do departamento francés de Dordoña, na rexión Aquitania. É a capital (préfecture) do departamento. O primeiro de xullo do 2005 estim´sbase a súa poboación en 29 600 habitantes. Está vencellada ao Camiño de Santiago.

Monumentos e lugares turísticos

Periguers presenta un patrimonio admirable, con 43 monumentos históricos e un importante sector conservado. Son destacábeis:

Os restos da fortaleza galorromana de Vesona

A Torre de Vesona

• A Torre de Vesona, resto dun templo dedicado á deusa tutelar da cidade galorromana;
• As ruínas do Anfiteatro romano, realzado hoxe por un xardín;
• O museo Vesunna, erguido sobre os vestixios dunha domus polo arquitecto Jean Nouvel.

A cidade medieval

• A catedral de Saint-Front, inscripta no Patrimonio Mundial da Humanidade, é unha das etapas máis famosas da peregrinación xacobea. De estilo románico bizantino, presenta cinco cúpulas formando unha cruz grega.
• A igrexa románica de Santo Estevo, antiga catedral, da que fican aínda dúas cúpulas;
• O convento das Donas da Fe (século XII)
• A Torre Mataguerra (século XIII), resto das fortificacións medievais;

A cidade renacentista

• A Maison dos Cónsules, que se mira no río Eila (nome occitano; Isle en francés);
• O Chasteu Barriera (ruinas), castelo que debe o nome a unha familia da cidade;
• A Maison dau Pastissier, favorecida pola restauración da Plaça Sent Loís´;
• Varios pazos ou ostaus dos séculos XV e XVI sitos no antigo Puei Sent Front (ostaus Gamenson, Sench Astier, de Abzac de La Dosa, de Lestrada,...)

Outros

• A Prefectura (século XIX) : cunha fachada en estilo do Segundo Imperio e salóns seguindo modelos dos pazos de Versalles, Fontainebleau e do Louvre.

• O Museo de Arte e de Arqueoloxía do Perigòrd.
• O Museo Militar do Perigòrd.

Véxase tamén

Ligazóns externas

• Web oficial da cidade