Ostalgie

Na Galipedia, a Wikipedia en galego.

Ostalgie é un termo alemán usado para referirse á nostalxia da vida en tempos da antiga República Democrática Alemá. É un acrónimo das palabras Ost (Leste) e Nostalgie (nostalxia).

Tras a caída do Muro de Berlín en 1989 e a Reunificación alemá o ano seguinte, a maior parte dos recordos da etapa socialista foron eliminados, ao tempo que os cidadáns da RDA se integraban no sistema económico e cultural occidental. Ao principio, as marcas de produtos da RDA desapareceron das tendas para ser substituídas por marcas occidentais, con independencia da calidade duns e doutros. Porén, segundo pasaba o tempo, algúns alemáns do Leste comezaron a sentir nostalxia de certos aspectos das súas vidas durante a época socialista que xa non existían baixo o capitalismo. En concreto, a Ostalgie se refírese á nostalxia de aspectos da cultura e do día a día da RDA que desapareceron tras a Reunificación.

Porén, moitos alemáns dos dous lados da fronteira negan a existencia destas divisións culturais. Mentres, moitos negocios en Alemaña decatáronse do potencial deste movemento e comezaron a comercializar produtos que recordan o antigo rexime ou que imitan os produtos da época. Por exemplo, na actualidade é posible adquirir alimentos de marcas da Alemaña Oriental que xa desapareceran, obter videos e DVD de programas da televisión pública socialista e mercar coches das marcas Wartburg e Trabant. Ademais, o tema tratouse hai pouco tempo en numerosas películas, como Sonnenallee (1999) de Leander Haußmann, a exitosa Good bye, Lenin! (2003) de Wolfgang Becker e Kleinruppin forever (2004) de Carsten Fiebeler.

O termo Ostalgie (xunto con soviet chic) usouse ás veces para referirse á nostalxia de sistemas socialistas doutros países da Europa do Leste, sobre todo Polonia e a antiga URSS.

Véxase tamén[editar | editar a fonte]

Literatura[editar | editar a fonte]

  • Banchelli, Eva: Taste the East: Linguaggi e forme dell'Ostalgie, Sestante Edizioni, Bergamo 2006, ISBN 88-87445-92-3. (en italiano)
  • Banchelli, Eva: Ostalgie: eine vorläufige Bilanz, in Fabrizio Cambi (Hg.): Gedächtnis und Identitat. Die deutsche Literatur der Wiedervereinigung, Würzburg, Koenigshausen & Neumann, 2008, pp. 57-68. (en alemán)
  • Rota, Andrea: Testi pubblicitari ostalgici: una breve analisi semiotica, in «Linguistica e Filologia» 24/2007, p. 137-152.(en italiano)