Opel

Na Galipedia, a Wikipedia en galego.
Adam Opel AG
Opel logo 2011.png
Wir leben autos (Vivimos os coches)
Tipo Sociedade Anónima
Fundación 21 de xaneiro de 1862
Matriz General Motors
Localización Rüsselsheim, Alemaña Alemaña
Fundador Adam Opel
Persoas clave Karl-Friedrich Stracke, CEO
Industria Automóbil
Produtos Automóbil motores
Número de empregados 39.958 (31 de decembro de 2011)
Páxina web opel.com


Adam Opel AG (popularmente Opel) é unha empresa alemana que se adica á fabricación de automóbiles.

Historia[editar | editar a fonte]

Comezos[editar | editar a fonte]

A empresa foi fundada por Adam Opel na cidade de Rüsselsheim no ano 1862 para fabricar máquinas de coser. En 1886 a empresa comezou a fabricar tamén bicicletas, tendo éxito tamén neste mercado, de xeito que á morte de Adam Opel en 1895 a empresa era a líder na fabricación dos dous productos no país.

Factorías Opel en 2009.

Os fillos de Adam Opel colleron a empresa, e no ano 1899 fabricaron o seu primeiro coche, que non tivo moito éxito. A pesares diso a empresa insistiu, asinando contratos con outras empresas do sector automobilístico para fabricar con licenza modelos alleos. O Opel 4/8 saíu en 1909 e vendeu moitas unidades, a maioría entre o gremio dos médicos, no cal se fixo moi popular. A pesares de que o lume queimou a fábrica en 1911, Opel era en 1914 o maior fabricante de automóbiles de Alemaña.

General Motors[editar | editar a fonte]

O imperio General Motors, admirado polos resultados comerciais de Opel, comprou o 80% da empresa en 1929 e o resto 2 anos despois. A familia Opel acadou coa venta 33'3 millóns de dólares. Unha das primeiras decisións da empresa norteamericana foi crear unha segunda fábrica en Brandeburgo no ano 1935. Ese mesmo ano Opel convertíuse na primeira empresa alemana en fabricar 100.000 coches.

En 1939 saíu á rúa o Opel Kapitän, que tivo un enorme éxito, e vendeu 25.374 unidades antes de comezar a II Guerra Mundial. Durante a guerra Opel seguíu fabricando coches con normalidade ata que tamén comezou a fabricar camións e pezas para tanques. En 1945 Opel non fabricou ningunha unidade, e as fabricas foron desfeitas polos exércitos aliados. A factoría de Brandeburgo foi levada a Rusia, e a factoría de Rüsselsheim estaba esnaquizada nun 47%.

Cando remataron os combates, os antigos traballadores da fábrica de Rüsselsheim comezaron a súa reconstrucción, e en 1946 saíu á rúa o primeiro novo Opel Blitz, un camión que xa fora fabricado nos anos da guerra. Non obstante, neses anos da postguerra non sempre estivo claro o apoio a longo prazo da GM en Opel, froito das dúbidas que nos Estados Unidos había sobre a recuperación da economía de Alemaña.

Nos anos 50 a crise da empresa rematou, Opel atopou o seu sitio no mercado alemán entre os prezos baixos dos Volkswagen e os prezos altos dos Mercedes-Benz, e en 1953 a empresa fabricaba de novo mais de 100.000 vehículos e xa tiña mais de 20.000 traballadores.

Galería[editar | editar a fonte]

Modelos históricos[editar | editar a fonte]

Modelos actuais[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]