Nomenclatura trinomial

Na Galipedia, a Wikipedia en galego.

A nomenclatura trinomial (ou nome trinomial) é unha forma estendida da nomenclatura binomial usada en bioloxía para identificar a cada especie de ser vivo coñecida, co fin de referirse especificamente a subdivisións menores dunha especie determinada. As máis frecuentes destas son:

  • A subespecie, en cuxo caso se engade un terceiro nome sempre con minúscula detrás dos que se refiren ao xénero (con maiúscula e en primeiro lugar) e á especie (con minúscula e en segundo lugar). A modo de exemplo, pódese citar ao can, unha subespecie doméstica do lobo (Canis lupus), que recibe o nome trinomial de Canis lupus familiaris.
  • A variedade ou raza, demasiado pouco definida para considerarse unha subespecie, que se identifica escribindo a continuación do nome da especie ou subespecie a abreviatura var. seguida do nome da variedade en si. Por exemplo, o burro catalán, unha raza de asno (Equus asinus), recibe o nome científico de Equus asinus var. catalá.

Menos usadas aínda que tamén pertencentes á nomenclatura trinomial son a subvariedade (subvar.), a forma (forma ou f.), o grupo e o cultivo, cada unha de menor entidade que a anterior.

Véxase tamén[editar | editar a fonte]

Outros artigos[editar | editar a fonte]