Nervio radial

Na Galipedia, a Wikipedia en galego.
Nervio radial
Gray818.png
Os nervios suprascapular, axilar e radiais.
Latín nervus radialis
Gray: subject #210 943
Inervación    Compartimento posterior do brazo, Compartimento posterior do antebrazo
Proveniente de: Fascículo posterior
Ramas Nervio interóseo posterior
MeSH Radial+Nerve

O nervio radial é un nervio do membro superior procedente do tronco secundario posterior. É un nervio mixto e é o único eixo extensor da porción apendicular do membro superior. O nervio radial atopámolo na axila e desde alí diríxese primeiro á parte interna do brazo e logo á posterior pasando pola canle radial do úmero. Despois vai á parte externa do epicóndilo e divídese en dúas pólas: anterior, que é sensitiva pura e unha posterior que é motora pura.

Relacións[editar | editar a fonte]

Na axila por fóra ten o nervio circunflexo e por diante ten as pólas anteriores do plexo braquial: nervio musculocutáneo, nervio mediano, nervio cubital, nervio braquiocutáneo interno e o nervio accesorio, e a articulación umeral.

Sae da axila e diríxese cara a parte interna do brazo. Chega á parte media do brazo, pasa pola canle de torsión do úmero xunto coa arteria umeral fonda e dúas veas umerais fondas, constituíndo o paquete vasculo-nervioso radial do brazo. Ao saír da canle, ao nivel do cóbado, o nervio radial aproxímadr á canle bicipital exerna relacionándose coa arteria umeral fonda. Neste punto divídese en dúas pólas terminais.

Pólas colaterais[editar | editar a fonte]

Pólas sensitivas[editar | editar a fonte]

  • Póla cutánea interna: dá sensibilidade á pel da parte interna e posterior do brazo.
  • Póla cutánea externa: dá sensibilidade á pel da parte posterior e externa do brazo.
  • Póla para o cóbado.

Pólas motoras[editar | editar a fonte]

  • Póla para a porción longa do bíceps.
  • Póla para o vasto externo.
  • Póla para o vasto interno.
  • Póla para o músculo ancóneo.

Tamén inerva dous músculos do antebrazo: o músculo supinador longo e o músculo primeiro radial externo.

Pólas terminais[editar | editar a fonte]

Póla anterior[editar | editar a fonte]

É sensitiva. Sitúase entre o supinador longo e o palmar maior. Forma o paquete vasculonervioso radial do antebrazo xunto coa arteria radial e dúas veas satélite radiais. Esta póla pasa pola parte externa do carpo e faise posterior. Despois dá dúas colaterais dorsais para aos dedos. Tamén da inervación sensitiva á parte antero-externa do antebrazo e anastomósase co nervio cubital.

Póla posterior[editar | editar a fonte]

É motora. Atópase entre os fascículos do supinador longo. Desde alí, diríxese á parte posterior do antebrazo, a través da cal accede á man. Nela, inerva aos seguintes músculos:

  • Segundo radial externo
  • Supinador longo
  • Extensor común dos dedos
  • Extensor propio do V dedo
  • Cubital posterior
  • Excepcionalmente, ancóneo
  • Abdutor longo do I dedo
  • Extensor curto do I dedo
  • Extensor longo do I dedo
  • Extensor propio do II dedo
  • Abdutor curto do I dedo