Mi vida sin mí

Mi vida sin mí
Ficha técnica
Título orixinal	Mi vida sin mí
Director	Isabel Coixet
Produtor	Esther García; Gordon McLennan
Guión	Isabel Coixet
Baseado en	Pretending the Bed Is a Raft de Nanci Kincaid
Intérpretes	Sarah Polley; Scott Speedman; Mark Ruffalo; Amanda Plummer; Deborah Harry
Música	Alfonso Vilallonga
Fotografía	Jean-Claude Larrieu
Montaxe	Lisa Robison
Estudio	El Deseo D.A.; Milestone Productions Inc.
Distribuidora	Sony Pictures Classics
Estrea	17 de decembro de 2003
Duración	106 minutos
Orixe	Canadá; España
Xénero	Drama
Recadación	$9 726 954 (internacional)
Na rede

Mi vida sin mí é unha coprodución española e canadense dirixida por Isabel Coixet no ano 2003. Está baseada na novela Pretending the bed is a raft de Nanci Kincaid.

Sinopse[editar | editar a fonte]

Ann (Sarah Polley) é unha moza de 23 anos que traballa como limpadora polas noites. Casou moi nova e é nai de dúas fillas Penny (Jessica Amlee) e Patsy (Kenya Jo Kennedy) co seu noivo de sempre, Don (Scott Speedman), que pasa máis tempo no paro que traballando. A parella vive nunha caravana no xardín da casa da nai de Ann, en Vancouver, mentres que o seu pai leva anos no cárcere.

A súa vida vai cambiar de xeito radical cando nun recoñecemento médico descobre que está gravemente enferma e que lle queda pouco tempo de vida. A partir de aí Ann, sen contarlle a ninguén o que ocorre, fai unha lista das cousas que quere facer nos dous meses que lle quedan antes de morrer.