Monte de Santa Tegra
Na Galipedia, a wikipedia en galego.
(Redirixido dende Monte de Santa Trega)
Sitúase o monte de Santa Tegra a 341 metros de altitude, no extremo máis sudoccidental de Galicia, no concello da Guarda, nun lugar privilexiado desde o que domina a desembocadura do río Miño.
O monte ten unhas pendentes moi pronunciadas e o dominio visual do contorno fixo que fose un lugar estratéxico habitado desde moito antes do levantamento do Castro de Santa Tegra, como atestiguan os petroglifos alí atopados.
