Lactococcus

Na Galipedia, a Wikipedia en galego.

Lactococcus é un xénero de bacterias do ácido láctico que anteriormente estaban incluídas dentro do xénero Streptococcus Grupo N1.[1] Considéranse homofermentadores, xa que na súa fermentación da glicosa orixinan un só produto principal ou único, o ácido láctico neste caso. O seu carácter homofermentativo pode ser alterado axustando as condicións do medio, como o pH, concentración de glicosa, e limitación de nutrientes. Son bacterias grampositivas, catalase-negativas, non mótiles e con forma de coco, xeralmente agrupadas en parellas ou cadeas. O xénero contén cepas que crecen por debaixo dos 7 ˚C.[2]

Actualmente recoñécense sete especies de Lactococcus xunto con catro subespecies. Son:

Estes organismos utilízanse comunmente na industria láctea para fabricar produtos lácteos fermentados como os queixos. Poden utilizarse en cultivos iniciadores (starter) dunha soa cepa, ou en cultivos de cepas mesturadas con outras bacterias do ácido láctico como Lactobacillus e Streptococcus. Ten especial interese o estudo de Lactococcus lactis subsp. lactis e L. lactis subsp. cremoris, xa que son as cepas utilizadas nos cultivos iniciadores nas fermentacións da industria láctea.[3] A súa principal misión na produción láctea é a acidificación rápida do leite; isto causa unha caída (acidificación) do pH do produto en fermentación, o que impide o crecemento de bacterias que o estragarían, á vez que transforma o produto. As bacterias tamén xogan un papel en darlle ao produto o seu aroma final.[4] Os lactococos utilízanse actualmente tamén na industria biotecnolóxica. Poden cultivarse doadamente a escala industrial en medios baseados en soro lácteo baratos. Utilízanse na produción de proteínas alleas (doutras especies), que se aplican despois na industria alimentaria.

Notas[editar | editar a fonte]

  1. Schleifer KH, Kraus J, Dvorak C, Kilpper-Balz R, Collins MD, Fischer W (1985). "Transfer of Streptococcus lactis and related streptococci to the genus Lactococcus gen. nov". Syst. Appl. Microbiol. 6: 183–195. ISSN 0723-2020. doi:10.1016/s0723-2020(85)80052-7. 
  2. , James M. Modern Food Microbiology, 4th ed. Van Nostrand Reinhold, 1992
  3. de Vos, W.M. Simons, GFM. Genetics and Biotechnology of Lactic Acid Bacteria. eds. Gasson, M.J. de Vos, W.M. Gene Cloning and Expression Systems in Lactococci. Blackie Academic & Professional, 1994. pg. 52 – 53.
  4. Kok, Jan. Genetics and Molecular Biology of Streptococci, Lactococci, and Enterococci.. eds Dunny, Gary M. Cleary, P. Patrick. McKay, Larry L. Special Purpose Vectors for Lactococci. American Society for Microbiology, 1991. pg. 97