Firmicutes

Na Galipedia, a Wikipedia en galego.
Firmicutes
Bacillus subtilis con tinguidura de Gram
Bacillus subtilis con tinguidura de Gram
Clasificación científica
Dominio: Bacteria
Filo: Firmicutes
Clases

As Firmicutes (do latín: firmus cutis, "pel forte", referido aquí a "parede celular forte") son un filo def bacterias, a maioría das cales teñen unha estrutura da parede celular Gram-positiva. Porén, unhas poucas, como Megasphaera, Pectinatus, Selenomonas e Zymophilus, teñen unha pseudomembrana externa porosa que fai que presenten unha tinguidura Gram-negativa.

En anteriores clasificacións recibiron o nome de Firmacutes, que despois se cambiou a Firmicutes cunha diminución na súa composición. Os científicos antes clasificaban en Firmicutes todas as bacterias Gram-positivas, pero recentemente defínenas como o grupo central de formas relacionadas chamado o grupo de baixo contido G+C, en contraste coas Actinobacteria. Pódense incluír aquí as Molicutes (micoplasmas, sen parede), que noutras clasificacións se clasifican como Tenericutes.

As Firmicutes teñen células arredondadas (chamadas cocos) ou bacilares. Moitas Firmicutes producen endosporas, que son resistentes á desecación e poden sobrevivir en condicións estremas. Atópanse en diversos ambientes, e o grupo inclúe algúns notables patóxenos. As da familia das heliobacterias, producen enerxía por medio da fotosíntese. Firmicutes son uns dos microorganismos importantes que fan que se pique o viño, cervexa ou sidra.

Clases[editar | editar a fonte]

O grupo divídese tipicamente en Clostridia, que son organismos anaeróbicos, Bacilli, que son aerobios obrigados ou facultativos, e os Mollicutes (micoplasmas, que agora nalgunhas clasificacións se consideran Tenericutes).

Nas árbores filoxenéticas os dous primeiros grupos son parafiléticos ou polifiléticos, como o son os seus principais xéneros, Clostridium e Bacillus. [1]

Filoxenia[editar | editar a fonte]

Véxase tamén: Taxonomía bacteriana.

No cladograma móstrase a taxonomía actualmente aceptada do grupo baseada na LPSN (List of Prokaryotic names with Standing in Nomenclature) [2] e o NCBI (National Center for Biotechnology Information) [3] e a filoxenia está baseada en datos do ARNr de 16 S da LTP 106 do Proxecto The All-Species Living Tree. [4]



?Thermodesulfobiaceae



?Synergistaceae {Clostridiales Familia XV Incertae Sedis}



?Thermoanaerobacterales Clado sen nome I [incl. Fervidicola]



?Thermoanaerobacteraceae



?Caldicellulosiruptor



?Thermoanaerobacterales Clado sen nome II



?Halanaerobiales



?Thermaerobacter



?Clostridium thermoamylolyticumKatkocin et al. 1985



?Thermovorax subterraneusMakinen et al. 2009





Moorella



Syntrophomonadaceae






Gelria glutamica




Symbiobacterium thermophilum



Sulfobacillus








Carboxydocella {Clostridiales Familia XVI. Incertae Sedis}



Thermolithobacter




Clostridia s.s. [incl. Negativicutes]





Fusobacteriales



Bacilli [incl. Erysipelotrichia & Mollicutes]







Notas:
♠ Cepas que se encontran no NCBI pero non na LSPN.

Xéneros principais[editar | editar a fonte]

Actualmente hai máis de 274 xéneros asignados ao filo Firmicutes. Os xéneros máis importantes son os seguintes:

Bacilli, orde Bacillales

Bacilli, orde Lactobacillales

Clostridia

Erysipelotrichi

Saúde[editar | editar a fonte]

Son Firmicutes a maior parte das especies da flora bacteriana intestinal humana e do rato. [5] Os Firmicutes da flora intestinal foron implicados na absorción de enerxía e obesidade. [5][6][7]

Detección no laboratorio[editar | editar a fonte]

Ata agora non hai unha forma simple de definir categoricamente unha bacteria dada como pertencente a Firmicutes, xa que o filo é enormemente diverso en características fenotípicas debido a que ao intenso intercambio de plásmidos entre as súas especies e xéneros, pero a presenza de Firmicutes pode agora detectarse por PCR en tempo real utilizando metodoloxías recentemente descritas. [8]

Notas[editar | editar a fonte]

  1. Wolf M, Müller T, Dandekar T, Pollack JD (May 2004). "Phylogeny of Firmicutes with special reference to Mycoplasma (Mollicutes) as inferred from phosphoglycerate kinase amino acid sequence data". Int. J. Syst. Evol. Microbiol. 54 (Pt 3): 871–5. DOI:10.1099/ijs.0.02868-0. PMID 15143038. http://ijs.sgmjournals.org/cgi/pmidlookup?view=long&pmid=15143038.
  2. J.P. Euzéby. "Firmicutes". List of Prokaryotic names with Standing in Nomenclature (LPSN) [1]. http://www.bacterio.cict.fr/classifphyla.html#Firmicutes. Consultado o 4 xullo 2012.
  3. Sayers et al.. "Firmicutes". National Center for Biotechnology Information (NCBI) taxonomy database [2]. http://www.ncbi.nlm.nih.gov/Taxonomy/Browser/wwwtax.cgi?mode=Tree&id=1239&lvl=3&lin. Consultado o 4 xullo 2012.
  4. All-Species Living Tree Project."16S rRNA-based LTP release 106 (full tree)". Silva Comprehensive Ribosomal RNA Database [3]. http://www.arb-silva.de/fileadmin/silva_databases/living_tree/LTP_release_106/LTPs106_SSU_tree.pdf. Consultado o 4 xullo 2012.
  5. 5,0 5,1 Ley RE, Peterson, DA, Gordon JI. Ecological and Evolutionary Forces Shaping Microbial Diversity in the Human Intestine. Cell. 2006 Feb 24; 124:837-848.
  6. Henig, Robin Marantz (2006-08-13). "Fat Factors". New York Times Magazine. http://www.nytimes.com/2006/08/13/magazine/13obesity.html?pagewanted=3&ei=5070&en=0c39c5880e4d7067&ex=1166850000. Consultado o 2008-09-28.
  7. Ley RE, Bäckhed F, Turnbaugh P, Lozupone CA, Knight RD, Gordon JI (August 2005). "Obesity alters gut microbial ecology". Proc. Natl. Acad. Sci. U.S.A. 102 (31): 11070–5. DOI:10.1073/pnas.0504978102. PMC 1176910. PMID 16033867. http://www.pnas.org/cgi/pmidlookup?view=long&pmid=16033867. Consultado o 4 xullo 2012.
  8. Haakensen M, Dobson CM, Deneer H, Ziola B (July 2008). "Real-time PCR detection of bacteria belonging to the Firmicutes Phylum". Int. J. Food Microbiol. 125 (3): 236–41. DOI:10.1016/j.ijfoodmicro.2008.04.002. PMID 18501458. http://linkinghub.elsevier.com/retrieve/pii/S0168-1605(08)00167-0. Consultado o 4 xullo 2012.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]