Juno (sonda espacial)

Na Galipedia, a Wikipedia en galego.
Juno
Juno in front of Jupiter.jpg
Representación artística de Juno en órbita de Xúpiter.
Tipo Científico
Organización NASA
Destino actual En ruta cara Xúpiter.[1]
Data de lanzamento 5 de agosto de 2011, 16:25 GMT[1][2][3][4]
Foguete portador Atlas V[2][5]
Sitio de lanzamento Centro Espacial de Cabo Cañaveral[2][6]
Obxectivo da misión Estudo de Xúpiter.[2][6]
NSSDC ID 2011-040A
Masa 1500,0 kg[5][2]
Dimensións Cilindro hexagonal de 3,5 m de diámetro e 3,5 m de alto rodeado por tres paneis solares.
Potencia 400 vatios na órbita de Xúpiter

Juno (acrónimo de Jupiter Near-polar Orbiter) é unha sonda espacial da NASA pertencente ó programa New Frontiers e lanzada o 5 de agosto de 2011 mediante un foguete Atlas V desde o Centro Espacial de Cabo Cañaveral.[2][5][6]

Características[editar | editar a fonte]

Juno é unha sonda espacial lanzada cara Xúpiter, onde se insertará nunha órbita polar desde a que facer as súas observacións. A misión principal de Juno é estudar a formación e orixe da atmosfera do planeta e o fenómeno da migración planetaria mediante a medición das abundancias de osíxeno e nitróxeno, estudar as variacións na atomsfera profunda de Xúpiter no relativo á meteoroloxía, composición e temperatura, observar a estrutura fina do campo magnético xoviano, medir o campo gravitatorio e a distribución de masas no interior do planeta e estudar a súa magnetosfera e as súas auroras. A sonda leva oito instrumentos a bordo para cumprir estes obxectivos. É a segunda misión do programa New Frontiers.[6][5][2]

O corpo da nave é un cilindro hexagonal de 3,5 m de diámetro e 3,5 m de alto do que sobresaen tres paneis solares de lados alternos do hexágono e proporcionando un diámetro total para a sonda de 20 metros. Nun dos lados do cilindro se atopa a antena de alta ganancia. No interior van montados varios insrumentos, o propelente e unha caixa blindada de titanio de 0,8 x 0,8 x 0,6 metros resistente á radiación do contorno de Xúpiter coa aviónica e os sistemas críticos dentro dela. A caixa ten unha masa de 150 kg, cun espesor dun centímetro nas súas paredes. A alimentación eléctrica é proporcionada por tres paneis solares con células de arseniuro de galio. Dous dos paneis solares están formados por catro segmentos, mentres que o terceiro está formado por tres segmentos, ocupando o lugar do cuarto unha estrutura con instrumentación científica. Os paneis xeneran 18 kW de potencia na órbita terrestre e 400 W na órbita de Xúpiter.[5][2][6]

Instrumentos[editar | editar a fonte]

Juno leva os seguintes instrumentos a bordo:[2][5]

  • Experimento de Distribución Auroral Xoviano (JADE)
  • Instrumento Detector de Partículas Enerxéticas en Xúpiter (JEDI)
  • Espectrógrafo Ultravioleta (UVS)
  • JunoCam
  • Cartografiador Auroral Xoviano no Infravermello (JIRAM)
  • Instrumento de Ondas de Plasma (Waves)
  • Radiómetro de Microondas (MWR)
  • Magnetómetro de Porta de Fluxo (FGM)
  • Compás Estelar Avanzado (ASC)
  • Magnetómetro Escalar de Helio (SHM)
  • Experimento de Gravedade.

Perfil da misión[editar | editar a fonte]

Juno foi lanzado desde Cabo Cañaveral o 5 de agosto de 2011 ás 16:25 GMT (12:25 EDT) a unha órbita heliocéntrica. Para alcanzar Xúpiter necesita facer unha asistencia gravitatoria coa Terra, á que sobrevoará en setembro de 2013. Juno entrará en órbita de Xúpiter o 5 de xullo de 2016.[2]

Notas[editar | editar a fonte]

  1. 1,0 1,1 "JUNO" (en inglés). Real Time Satellite Tracking. 2011. http://www.n2yo.com/satellite/?s=37773. Consultado o 5 de maio de 2013. 
  2. 2,0 2,1 2,2 2,3 2,4 2,5 2,6 2,7 2,8 2,9 "Juno" (en inglés). 27 de marzo de 2013. http://nssdc.gsfc.nasa.gov/nmc/spacecraftDisplay.do?id=2011-040A. Consultado o 5 de maio de 2013. 
  3. (PDF) Note verbale dated 14 November 2011 from the Permanent Mission of the United States of America to the United Nations (Vienna) addressed to the Secretary-General. 12 de decembro de 2011. pp. 3. http://www.unoosa.org/oosa/download.do?file_uid=3551. 
  4. "Juno" (en inglés). 2010. http://claudelafleur.qc.ca/Spacecrafts-2011.html#Juno. Consultado o 5 de maio de 2013. 
  5. 5,0 5,1 5,2 5,3 5,4 5,5 "Juno (New Frontiers 2)" (en inglés). Gunter's Space Page. 2013. http://space.skyrocket.de/doc_sdat/juno.htm. Consultado o 5 de maio de 2013. 
  6. 6,0 6,1 6,2 6,3 6,4 "Juno" (en inglés). 2011. http://astronautix.com/craft/juno.htm. Consultado o 5 de maio de 2013. 

Véxase tamén[editar | editar a fonte]

Commons
Commons ten máis contidos multimedia na categoría: Juno

Ligazóns externas[editar | editar a fonte]