Jesús Bienvenido Cuñarro
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2019.) |
Biografía | |
---|---|
Morte | 2 de xuño de 1955 A Coruña, España |
Datos persoais | |
País de nacionalidade | España |
Actividade | |
Ocupación | médico |
Partido político | Partido Socialista Obrero Español |
Lingua | Lingua castelá |
Jesús Bienvenido Cuñarro, finado na Coruña o 2 de xuño de 1955,[1] foi un médico e practicante galego.
Traxectoria[editar | editar a fonte]
Criado na Inclusa de Santiago de Compostela. Traballou como forxador e ferrador nun rexemento militar. Obtivo o título de practicante sanitario. Trasladouse á Coruña onde foi nomeado practicante da Asociación da Prensa e foi elixido presidente do Colexio de Practicantes de Medicina e Cirurxía en xuño de 1927. Conseguiu a licenciatura en Medicina e Cirurxía en 1931, e foi nomeado médico honorario da Casa de Misericordia da Coruña pola Deputación Provincial. Foi elixido vogal do Comité executivo da Agrupación Socialista da Coruña na asemblea do 9 de setembro de 1932 e o 11 de xaneiro do ano seguinte pasou a ser vicepresidente. En 1933 tamén foi vicepresidente da Reunión Recreativa e Instructiva de Artesanos. En xuño de 1934 foi nomeado médico da Asociación da Prensa. Nese ano publicou un estudo sobre un cancro de pulmón na revista Mundo Médico. Foi xefe de sala de Medicina xeral no Hospital Municipal ata a súa morte.
Vida persoal[editar | editar a fonte]
Casou con Carmen Gómez Rodríguez e foi pai de América Cuñarro Gómez.
Notas[editar | editar a fonte]
- ↑ La Voz de Galicia, 3-6-1955, p. 7.