Ivars Godmanis

Na Galipedia, a Wikipedia en galego.
Ivars Godmanis (extrema esquerda) na reunión do goberno letón e os representantes dos E.U.A.
Ivars Godmanis (á esquerda)

Ivars Godmanis (Riga, 27 de novembro de 1951) é un político de Letonia. Foi o primeiro Primeiro Ministro de Letonia trala independencia do país da Unión Soviética, en decembro de 2007 volveu ser elixido Primeiro Ministro por segunda vez.[1]

Estudou na facultade de física e química da Universidade de Letonia e participou no movemento nacionalista letón impulsando o Fronte Popular Letón, partido que aglutinaba a maioría de forzas nacionalistas.

Godmanis, elixido nas eleccións do 18 de marzo de 1990, serviu como primeiro ministro no período de 1990 a 1993, o seu principal reto foi dirixir a difícil transición económica de Letonia desde o comunismo ao capitalismo. Nos comicios de 1993 obtivo unha estrepitosa derrota e retirouse da vida política.

A súa volta do sector privado produciuse en 1998, ano en que ingresou no partido Camiño de Letonia, escisión da Fronte Popular e exerceu o cargo de Ministro de Finanzas ata 1999.

Nas eleccións de 2002 o seu partido perdeu a representación parlamentaria sendo nomeado presidente deste dous anos despois. En novembro de 2006, tralas eleccións que posibilitaron a volta do Partido Camiño de Letonia ao Saeima, Godmanis fíxose cargo do ministerio do interior e o 14 de decembro de 2007, foi nomeado polo Presidente Valdis Zatlers primeiro ministro tras a dimisión de Aigars Kalvītis. O seu nomeamento foi aprobado polo Parlamento o 20 de decembro, con 54 votos a favor e 43 contra.[2]

O 18 de xuño de 2008, Godmanis sufriu un accidente de tráfico, cando o seu coche oficial encaixouse cun microbús nas rúas de Riga.[3]

Como nota curiosa, moderou un programa radiofónico na emisora privada SWH, sobre a historia da música rock.


Predecesor:
Vilnis-Edvīns Bresis RSS de Letonia
Primeiro Ministro de Letonia
1990-1993
Sucesor:
Valdis Birkavs
Predecesor:
Aigars Kalvītis
Primeiro Ministro de Letonia
2007-actualidade
Sucesor:
No cargo

Véxase tamén[editar | editar a fonte]

Notas[editar | editar a fonte]

  1. "Godmanis nominated for prime minister", The Baltic Times, 19 de decembro de 2007.
  2. "Latvia’s old coalition back in power", Reuters (The Peninsula Online), 21 de decembro de 2007.
  3. Latvian PM injured in car crash.

Véxase tamén[editar | editar a fonte]

Ligazóns externas[editar | editar a fonte]