Hobart

Hobart (antes Hobartown) é a capital do estado insular de Tasmania, Australia. No ano 2006 tiña 200.525 habitantes. Atópase na desembocadura do río Derwent ao pé do monte Wellington cunha altura de 1.270 m.

Economía

Porto de Hobart, con vista cara ao centro da cidade e cara ao Monte Wellington.

A parte do turismo e a actividade portuaria existe unha importante industria secundaria de madeira, de fabricación de catamaráns e da produción de zinc.

Historia

Tras Sydney, Hobart é a cidade máis antiga de Australia. Foi fundada en 1804 polo coronel David Collins con 300 prisioneiros, uns cantos mariños e uns 30 colonos libres. Durante moitos anos a poboación estaba formada por convictos e capataces, ademais de baleeiros e cazadores de focas.

Xa ao principio do século XX estaba dotada de tranvías eléctricos que uniron a estación de ferrocarril central cos entón suburbios de New Town, Queensborough, Wellington, Glenorchy, Risdon e Bellerive.

Puntos de interese

Monte Wellington.

• Salamanca Place.
• Oficina central da Australian Antartic Division.
• Battery Point.
• Zona do Porto de Hobart.
• Museo Marítimo de Tasmania.
• Reais Xardíns Botánicos de Tasmania.
• Tasmanian Museum e Art Gallery.

Personalidades

• O actor Errol Flynn naceu en Hobart segundo as súas propias palabras.
• Mary Donaldson (desde 2004, princesa de Dinamarca)