Hipotenusa

A hipotenusa, h, e os catetos, c₁ e c₂, dun triángulo retángulo.

A hipotenusa é o lado maior dun triángulo rectángulo, e tamén o lado oposto ao ángulo recto. É posible descubrir a medida da hipotenusa mediante o teorema de Pitágoras, que a relacona cos dous catetos.

Orixe do termo

A palabra hipotenusa deriva, de acordo con algunas fontes, do grego antigo ὑποτείνουσα, unha combinación de hipo ("embaixo") e teinein ("alongar"). Outros autores suxiren que o significado orixinal en grego foi debido a un obxecto que soporta algo, ou da combinación de hipo ("embaixo") e tenuse ("lado").

Propiedades

Teorema de Pitágoras

Artigo principal: Teorema de Pitágoras.

O teorema de Pitágoras relaciona a lonxitude da hipotenusa coa dos catetos, e di o seguinte:

$h^2 = a^2 + b^2 \,$

"A hipotenusa ao cadrado é igual á suma dos cadrados dos catetos."

• Que é o mesmo que dicir:

$h = \sqrt{a^2 + b^2}$

"A hipotenusa é igual á raíz cadrada da suma dos cadrados dos catetos."

Véxase tamén

Outros artigos

• Teorema de Pitágoras
• Cateto
• Triángulo
• Triángulo rectángulo
• Trigonometría