Centro Ecuestre de Antela
Coordenadas: 42°06′05″N 07°43′00″O / 42.10139, -7.71667
O Centro Ecuestre de Antela abrangue unha serie de instalacións, dependentes da Deputación Provincial de Ourense, situadas no concello de Sandiás, no antigo predio da lagoa de Antela.
Características[editar | editar a fonte]
Estas instalacións están centradas no fomento da cría cabalar (programa de cría integrado), da formación relacionada co mundo do cabalo (non só os xinetes, senón tamén a profesionais como técnicos en manexo, ferradores, albardeiros etc.).
Estas instalacións contan cunha pista de velocidade (sendo coñecida baixo a denominación de Hipódromo de Antela), de 1.400 metros de longo por 20 de ancho, bancada para público e cun picadeiro de dimensións olímpicas. Nela realízanse xornadas de carreiras, nas que se comprobou o seu excelente comportamento. Por dimensións e calidade pódese comparar coas mellores de España.
Ademais da celebración das carreiras, o obxectivo principal do centro é o adestramento de cabalos de aptitude deportiva, en tódalas modalidades de competición. A oferta de instalacións deste tipo é hoxe practicamente inexistente en Galicia.
Carreiras en 2020[editar | editar a fonte]
O programa de carreiras que se celebrarán no hipódromo de Antela inclúe 4 datas:
- Domingo 12 de xullo
- Domingo 16 de agosto
- Domingo 11 de outubro (Festa Nacional de España)
- Domingo 15 de novembro