Havat Gilad

Havat Gilad

Localización
32°12′N 35°11′L
Distrito (pt)	Xudea e Samaria
Creación	2002
Identificador descritivo
Fuso horario	Israel time zone (en)

Havat Gilad (hebreo: חַוַּת גִּלְעָד, lit. Granxa de Gilad) é un asentamento israelí situado no distrito de Xudea e Samaria, na rexión de Cisxordania, establecido no ano 2002 na memoria de Gilad Zar, fillo de Moshe Zar e coordinador de seguridade do Consello rexional de Shomron, que foi asasinado no 2001. O asentamento foi legalizado o 4 de febreiro de 2018, ata entón era considerado como asentamento ilegal polo goberno israelí e aparecía na lista de asentamentos que o país prometeu desmantelar. O asentamento foi desmantelado en varias ocasións, pero os colonos regresaban para restablecelo. Como consecuencia do recoñecemento por parte do goberno israelí, Havat Gilad puido conectarse á rede de electricidade e auga, ademais de entrar a formar parte do Consello Rexional de Samaria.

Propiedade da terra

Havat Gilad, foi un dos 90 asentamentos xudeus construídos en Cisxordania sen autorización do Goberno de Israel, sitúase nunha parcela privada propiedade de Moshe Zar, un Sionista relixioso e amigo do antigo primeiro ministro Ariel Sharon. Segundo Zar, mercou a propiedade da parcela a uns palestinos en 1979, porén foi levado en varias ocasións ante os xulgados acusado de falsificar os contratos. Logo da morte do seu fillo Gilad, Zar prometeu que establecería seis asentamentos na súa memoria, un por cada letra do seu nome. O asentamento foi derribado no 2011 e tras isto houbo varios intentos de reconstruír e ampliar as estruturas, enfrontándose aos habitantes da vila palestina de Jit, que afirman que os colonos están edificando sobre terreo de propiedade palestina. A Administración Civil israelí examinou as queixas, mentres afirmaba que "moitas das terras da rexión eran de propiedade privada palestina".

Ataque en xaneiro de 2018

O 9 de xaneiro de 2018, o médico residente voluntario e rabino de Havat Gilad, Raziel Shevach, recibiu un disparo por parte dun asaltante sen identificar, mentres conducía o seu vehículo preto da súa casa pola Autoestrada 60. Como consecuencia disto se realizaron controis de estrada na rexión para buscar aos autores.

A pesar de non reclamar a autoría do ataque, o grupo terrorista Hamas afirmou que o ataque fora "a primeira resposta práctica para recordar aos líderes inimigos e aqueles que os apoian (os Estados Unidos) que o que temían está chegando", segundo publicou o xornal The Times of Israel. O brazo militar de Hamas, as Brigadas Izz ad-Din al-Qassam tamén afirmaron que "Cisxordania seguirá sendo un coitelo nos seus corpos".

O ministro de defensa de Israel emitiu un comunicado en resposta ao ataque segundo o cal o goberno estaba considerando legalizar o asentamento.

David M. Friedman, o embaixador dos Estados Unidos de América en Israel, publicou un tweet dicindo: "un pai israelí de seis fillo foi asasinado pola noite a sangue fría por terroristas palestinos. Hamas bendí aos asasinos e as leis da Autoridade Palestina os premiarán financeiramente".

Turismo

Algúns residentes do asentamento desenvolveron espazos turísticos e de actividades abertas aos visitantes de Israel e do exterior. En xaneiro de 2016, o xornalista do The New York Times Steven Erlanger visitou o lugar e pasou a noite nunha das casas para invitados.

Véxase tamén

Ligazóns externas

• Dina Kraft (24 de xuño de 2009). "The view from a West Bank hilltop" (en inglés). Jewish Telegraphic Agency. 
• Delphine Matthieussent (30 de outubro de 2009). "Nous sommes ici chez nous" (en francés). Libération. 
• Nadav Shragai (14 de outubro de 2002). "A family's last stand. Members of the Zar family huddled together yesterday morning at the Havat Gilad outpost caravan in which Etai and Bat Zion Zar lived for over a year" (en inglés). Haaretz.