Garcilaso Rollán

Garcilaso Rollán

Biografía
Nacemento	1957 (66/67 anos)
Actividade
Ocupación	gravador

Garcilaso Rollán Sánchez, nado en Ávila en 1957, é un pintor e deseñador de moedas español, coñecido pola súa imaxe da catedral de Santiago de Compostela nas moedas divisionarias do euro de España.

Traxectoria

Garcilaso Rollán Sánchez, gravador da Real Casa da Moeda - Fábrica Nacional de Moeda e Timbre (RCM-FNMT), de Madrid, é o autor de case medio cento de moedas, tanto circulantes como conmemorativas, dos sistemas da peseta e do euro.

En 1993 deseñou a súa primeira moeda, a de 25 pesetas dedicada ao País Vasco, e durante a década de 1990 creou varias das moedas máis populares de curso legal en España co seu valor en pesetas.

Coa Chegada do euro, o seu deseño da fachada da Catedral de Santiago de Compostela foi o escollido para os anversos da serie divisionaria de moedas de 1, de 2 e de 5 céntimos de euro. De igual xeito, foi o creador de variasmoedas cinmemorativas cuñadas pola RCM-FNMT e destinadas especificamente ao coleccionismo e ao investimento.

En 2003 e 2004 ocupouse tamén do deseño de tres moedas conmemorativas uruguaias dedicadas ao centenario da UEFA e ao Campionato Mundial de Fútbol de Alemaña en 2006, cuñadas na ceca pública española.

Escolma de traballos

• 
  5 pesetas (1999). Murcia (anverso).
• 
  25 pesetas (1993). País Vasco (reverso).
• 
  50 pesetas (1997). Juan de Herrera.
• 
  100 pesetas (1999). Persoas maiores - ONU (reverso) .

Véxase tamén

Outros artigos

• Lista de deseñadores das moedas de euro