Emilio González Afonso
| Biografía | |
|---|---|
| Nacemento | 25 de abril de 1954  (70 anos)Verín, España |
| Alcalde | |
| | |
| Datos persoais | |
| País de nacionalidade | España |
| Actividade | |
| Ocupación | médico , político |
| Partido político | Partido Socialista Obrero Español |
| Membro de | |
| Lingua | Lingua castelá |
Emilio González Afonso, nado en Verín o 25 de abril de 1954, é un médico e político galego.
Traxectoria[editar | editar a fonte]
Integrado en Coalición Galega, foi candidato ás autonómicas de 1985, pero non saíu elixido, aínda que finalmente foi parlamentario autonómico dende setembro de 1986 en substitución de Senén Bernárdez Álvarez. Foi candidato á alcaldía de Verín nas eleccións municipais de 1987 pola CPG, logrando 1 concelleiro. Nas municipais de 1991 foi elixido novamente concelleiro, nesta ocasión polo PPdeG. Pouco tempo despois, o grupo municipal abandonou o partido, e o 17 de outubro de 1991 foi elixido alcalde de Verín mediante unha moción de censura co apoio dos concelleiros do PSdeG-PSOE[1] Nas municipais de 1995 encabezou a Plataforma de Independentes de España e logrou 4 concelleiros, perdendo a alcaldía en favor do PPdeG tras lograla maioría absoluta.
En marzo de 1997 integrouse no PSdeG-PSOE[2] e encabezou a candidatura socialista nas municipais de 1999 e 2003, sen lograr recuperala alcaldía. Foi deputado provincial entre 1999 e [[2003]. En abril de 2004, e tras haber perdido o ano anterior o PPdeG a maioría absoluta, foi elixido alcalde mediante unha moción de censura co apoio de Verinenses Independente e o BNG, pasando encabezar un gpberno tripartito. Tras un final de mandato un tanto convulso, abandoando o BNG o goberno en xuño de 2006[3], nas municipais de 2007 perdeu a alcaldía tras recuperalo PPdeG a maioría absoluta. Continuou como portavoz do grupo socialista na oposición, concorrendo de novo como candidato do PSdeG nas municipais de 2011, quedando novamente na oposición tras revalidar o PPdeG a maioría absoluta. Permaneceu como portavoz e concelleiro ata o final do mandato en 2015.
En xullo de 2018, trala chegada de Pedro Sánchez ao goberno de España, foi nomeado subdelegado do goberno na provincia de Ourense.
| Predecesor: Santiago Cid Harguindey |
 Alcalde de Verín 1991 - 1995 |
Sucesor: Xoán Manuel Jiménez Morán |
| Predecesor: Xoán Manuel Jiménez Morán |
Alcalde de Verín 2004 - 2007 |
Sucesor: Xoán Manuel Jiménez Morán |
Notas[editar | editar a fonte]
- ↑ La Voz de Galicia, 18-10-1991, p. 31.
- ↑ La Voz de Galicia, ed. Ourense, 02-03-1997, p. 54.
- ↑ El Bloque confirma la ruptura del gobierno tripartito de Verín