Durrës

Na Galipedia, a Wikipedia en galego.
Muralla da cidade vella
Vista xeral de Durrës

Durrës é a segunda cidade de Albania, a máis antiga e o principal porto do país, é tamén a capital do distrito e o condado homónimo. Está situada nunha península na costa central do Adriático, a 33 quilómetros ó oeste capital Tirana é a sede da Universidade Aleksander Moisiu. A súa poboación estimábase en 114.000 en 2003, agrupando a 200.000 coa área urbana.

Historia[editar | editar a fonte]

Anfiteatro de Durrës

Os gregos fundárona no ano -627 co nome de Epidamo, pasou ó poder romano no século III co nome de Dyrrachium, pasando a ser a capital da provincia de Epirus Nova no século IV. Durante a Idade Media pertenceu ao Imperio Bizantino, ocupada polos venecianos pasou ós otománs no ano 1501, foi durante séculos o meirande porto otomán en Europa. Cando Albania se independizou, Durrës foi durante breve tempo a súa capital entre 1912 e 1920.