Dólar de prata do 50 aniversario de USO
| Dólar de prata do 50 aniversario de USO (United Service Organizations) | |
|---|---|
.jpg) |
.jpg) |
| A/: Bandeirola baseada no deseño do logo de USO. Marcas de gravador (RL e JM).
Lendas: IN GOD WE TRUST / 50th Anniversary / USO / LIBERTY 1991 |
R/: Aguia sobre globo terráqueo, con fita no peteiro, con oce estrelas debaixo. Marcas de ceca e de gravador (JM).
Lenda: UNITED STATES OF AMERICA / FIFTY YEARS SERVICE / TO SERVE PEOPLE / E PLURIBUS UNUM / ONE DOLLAR |
| |
O dólar de prata do 50 aniversario de USO (United Service Organizations) é unha moeda conmemorativa, non circulante, emitida pola Casa da Moeda dos Estados Unidos en 1991 e cuñada polas Casas da Moeda de San Francisco e de Denver.
Esta moeda dun dólar foi autorizada pola Lei 101-404, do 2 de outubro de 1990,[1] pola que se dispuxo a emisión dunha moeda en conmemoración do 50 aniversario da fundación United Service Organizations (USO), unha entidade sen ánimo de lucro que achega servizos morais e de recreo aos membros das Forzas Armadas dos Estados Unidos por todo o mundo.[2]
Deseño[editar | editar a fonte]
No anverso da moeda, deseñado por Robert Lamb, amósase unha bandeirola ao vento cun deseño baseado no do logo de USO; por riba dela a expresión 50th Anniversary ("50º Aniversario") en letra caligráfica e o lema habitual da moeda estadounidense IN GOD WE TRUST ("En Deus confiamos"), e por baixo a palabra LIBERTY e a data de 1991.[2][3]
Pola súa banda, o reverso, obra do gravador da US Mint John M. Mercanti, representa unha aguia cara á dereita cunha fita no peteiro coas siglas USO impresas; a aguia está pousada nun globo terráqueo, como símbolo do servizo global que presta a institución, e por baixo do globo hai doce estrelas formando un semióvalo. A lenda FIFTY YEARS SERVICE TO SERVE PEOPLE ("Cincuenta anos de servizo ás persoas") alude ao cincuentenario que se celebra.[2][3]
Produción e comercialización[editar | editar a fonte]
A lei que autorizou a emisión destas moedas conmemorativas prevía unha tiraxe máxina dun millón de exemplares.[1] A moeda produciuse na Casa da Moeda de Denver na súa versión estándar, en tanto que a Casa da Moeda de San Francisco se encargou da cuñaxe das moedas con acabamento especial (proof), e a emisión estivo dispoñible para a súa adquisición por parte da poboación a partir do 8 de xullo de 1991,[2] durante o desfile das tropas que regresaban da operación Treboada do Deserto, en Washington.[3]
A súa produción foi de 124.958 moedas na súa condición estándar e 321.275 en versión con acabamento especial (proof), o que fai un total de 446.233 exemplares, preto da metade da tiraxe máxima permitida pola lei.[3][4]
A moeda comercializouse aos prezos de 26 dólares en condición estándar e 31 en versión proof.[3] Consonte a lei que autorizou a moeda, a metade do beneficio conseguido coa súa venda destinouse a USO, para o financiamento dos seus programas en aeroportos, bases de fflotas, e centros familiares e comunitarios; e a metade restante devolveuse ao Tesouro co fin de diminuír a débeda nacional.[2][3]
Notas[editar | editar a fonte]
- ↑ 1,0 1,1 "Public Law 101-404 - OCT. 2, 1990". Govinfo.gov
- ↑ 2,0 2,1 2,2 2,3 2,4 "USO (United Service Organizations) Dollar". United States Mint.
- ↑ 3,0 3,1 3,2 3,3 3,4 3,5 "1 Dollar USO Anniversary". Numista.com
- ↑ "Historical Commemorative Coin Sales Figures: 1991 United Service Organizations (USO) 50th Anniversary Silver Dollar". United States Mint.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- "1991 USO Silver Dollar" (ModernCommemoratives.com)