Cypripedium acaule
 |
Este artigo é orfo, xa que carece doutros artigos que apunten cara a el. Por favor, engada ligazóns a esta páxina desde outros artigos relacionados con este. |
Cypripedium acaule é un membro do xénero de orquídeas Cypripedium, aparece descrita pola primeira vez na Phytographia de Leonard Plukenet en 1700 [1]. É a flor provincial da Illa do Príncipe Eduardo e de Nova Escocia no Canadá. De difícil cultivo comercial considérase en risco pola súa recollida ilegal para a venda[2].
[editar] Descrición
Esta orquídea distínguese polas súas dúas follas basais, sen pecíolo e pola súa gran flor rosa, e máis raramente abrancazada, de 8 a 10 cm de diámetro composta de tres sépalos e tres pétalos, e na súa metade, o labelo que se infla con forma de mocasín cunha fenda vertical sobre toda a súa lonxitude. Os estreitos pétalos laterais e os sépalos son de cor verde acastañado. A floración é de de maio a agosto[3], o froito é unha cápsula compacta duns 4.5 cm de lonxitude, con forma de eixo.
[editar] Distribución
C. acaule atópase no terzo leste de América do Norte, desde Alabama e Tennessee nos Estados Unidos ata Nova Escocia e Terra Nova no Canadá[4] en especial no medio de bosques de pinos[5]
[editar] Notas
- ↑ Joseph Decaisne et al. Flore des serres et des jardins de l'Europe, ou Descriptions et figures des plantes les plus rares et les plus méritantes. Van Houtte, 1855, páxina 210
- ↑ Eric Hágsater et al. Orchids: status survey and conservation action plan. IUCN/SSC Orchid Specialist Group, 1996, pp. 51-52
- ↑ Wolfram George Schmid An Encyclopedia of Shade Perennials. Timber Press, 2002, páxina 150
- ↑ Wolfram George Schmid, op. cit., páxina 150
- ↑ W. H. A. Preece North American Rock Plants. Macmillan, 1917, páxina 34
