Cubo

Na Galipedia, a Wikipedia en galego.
Representación dun cubo.

En xeometría, un cubo ou hexaedro regular é un obxecto sólido e tridimensional formado por seis caras cadradas, con tres que se xuntan en cada un dos vértices. O cubo forma parte dos cinco sólidos platónicos, é dual co octaedro e posúe simetría cúbica (ou simetría octaédrica). O hexaedro regular está formado por seis caras, oito vértices e doce arestas.

Coordenadas cartesianas[editar | editar a fonte]

Proxeccións ortogonais
3-cube t0.svg 3-cube t0 B2.svg

Para un cubo con centro na orixe de coordenadas, con arestas paralelas aos eixes e cunha lonxitude de 2, as coordenadas cartesianas dos vértices son

(±1, ±1, ±1)

mentres que o interior está formado por todos os puntos (x0, x1, x2) con −1 < xi < 1.

Fórmulas[editar | editar a fonte]

Para un cubo de lonxitude a de aresta:

área da superficie 6 a^2
volume a^3
diagonal da cara \sqrt 2a
diagonal espacial \sqrt 3a
raio da esfera circunscrita \frac{\sqrt 3}{2} a
raio da esfera tanxente coas arestas \frac{a}{\sqrt 2}
raio da esfera inscrita \frac{a}{2}
ángulos entre as caras (en radiáns) \frac{\pi}{2}

Dado que o volume dun cubo é a terceira potencia dos seus lados, a × a × a, a esta terceira potencia chámaselle tamén cubo, por analoxía co cadrado, que é a segunda potencia.

Véxase tamén[editar | editar a fonte]

Commons
Commons ten máis contidos multimedia na categoría: Cubo

Outros artigos[editar | editar a fonte]

Ligazóns externas[editar | editar a fonte]

  • "Cube" por Eric W. Weisstein de MathWorld (en inglés)