Conversa usuario:Juanca93
Benvido(a) á Galipedia, Juanca93!
Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc. | ||
Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente.
Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.
|
|
Boa estadía e bo traballo. --Paradanta (Cóntame) 19:19, 29 de xaneiro de 2011 (UTC)
Re:Enlaces externos[editar a fonte]
Ola, Juanca! Se te fixas no artigo de Mariano José de Larra xa hai un apartado de bibliografía, no que figura un libro empregado para facer o artigo. Podes servirte dese modelo para engadir ti o libro do que me falas, o esquema sería:
Autor (Apelido, inicial do nome), ano entre parénteses. Título do libro. Editorial.
É o modelo que adoito empregar eu, poderías empregar outro con tal de que conteña toda esa información. Para calquera dúbida máis que teñas sempre me podes preguntar. Un saúdo! --Paradanta (Cóntame) 16:16, 1 de febreiro de 2011 (UTC) Grazas
Enlaces[editar a fonte]
Ola, poderías dicirme cómo podo facer para que cando eu prema sobre unha palabra, pase a outra páxina ónde explica o significado da palabra. Fíxen outra páxina titulada A rexenta, pero polo de agora ten pouca información, dígocho por se tes algo que engadir.—o anterior comentario sen asinar foi feito por Juanca93 (conversa • contribucións)
- Antes de nada, dúas cousiñas:
É importante que cando te queiras dirixir a un usuario o fagas escribindo na súa páxina de conversa, non na túa. Ese é o xeito de que saia o aviso laranxa de que hai mensaxes novas e de que saiba que alguén se está a dirixir a min. Doutro xeito, podo non decatarme de que queres dicirme algo.
A outra é que cómpre que asines as túas mensaxes. Faise premendo na icona dun lápis cun garabato que hai enriba da caixa de edición. Así saberán os outros usuarios doadamente quen escribiu o comentario.
O que me comentas faise engadindo dous corchetes a cadanseu lado da palabra (dous corchetes á esquerda e dous corchetes á dereita). Así a palabra tórnase azul se existe un artigo co seu nome na Galipedia, levándote a el ao premeres nela, ou vermello, se o artigo aínda non existe.
Sobre A Rexenta pódoche dicir o seguinte: A convención que seguimos na Galipedia é escribir o título dos libros, películas, etc en galego se hai tradución ao galego e no idioma orixinal se non hai tradución ao noso idioma. Descoñezo se este libro ten tradución ao galego; de non a haber, o artigo habería que titulalo La Regenta.
Como fixeches en Mariano José de Larra, debes engadir a fonte de información (libro ou web).
En vez de lle engadir información (se tal algún datiño concreto, pero nada máis) vou modificar o formato para que vexas como se escriben os artigos na Galipedia. Por exemplo, faltan as interwikis (ligazóns ao artigo do mesmo nome en wikipedias noutros idiomas) e as categorías. Se tes ti máis información, pódela engadir ti cando poidas, se non as tes, o artigo ben pode quedar así de momento, que tampouco é excesivamente curto.
Un saúdo, Juanca, e aquí me tes para o que queiras! --Paradanta (Cóntame) 22:05, 1 de febreiro de 2011 (UTC)
Formato[editar a fonte]
Ola, Juanca93. Corrixinche o artigo de La Regenta. Bótalle un ollo e así aprendes para os seguintes. Preme aquí. Outra cousa: trata de achegar referencias cando afirmas algo. Un saúdo. --Atobar (conversa comigo) 22:10, 1 de febreiro de 2011 (UTC)