Clorina

Na Galipedia, a Wikipedia en galego.
Clorina
Identificadores
Número CAS 2683-84-3
PubChem 65106
ChemSpider 58616
ChEBI CHEBI:36303
Imaxes 3D Jmol Image 1
Propiedades
Fórmula molecular C20H16N4
Masa molecular 312,36784

Se non se indica outra cousa, os datos están tomados en condicións estándar de 25 °C e 100 kPa.
Referencias

En química orgánica a clorina[1][2][3] é un composto formado por un gran anel aromático heterocíclico que consta de tres grupos pirrol e un grupo pirrolina unidos por catro enlaces metino. A diferenza da porfina, que é o núcleo básico das porfirinas, a clorina é un composto moi aromático pero non é aromático ao longo de toda a circunferencia do anel. Diferénciase da porfina en que un dos pirrois carece dun dos dobres enlaces, polo que se trata dun grupo pirrolina.

As clorinas derivadas que conteñen magnesio denomínanse clorofilas, e constitúen o elemento fotosensible central dos cloroplastos. Da hidrólise de clorofilas poden obterse clorinas[4].

Compostos relacionados, pero con dous grupos pirrolina e dous pirrois denomínanse bacterioclorinas e isobacterioclorinas. A posición onde levan a pirrolina determina que se trate dun composto ou outro.[5]

Estruturas comparadas do esqueleto máis básico das porfirinas, a porfina, seguida da clorina, bacterioclorina, e isobacterioclorina. A distinta localización dos dobres enlaces C=C determina a diferenza entre os isómeros da bacterioclorina. Hai dous electróns π (simbolizados por π e-) por cada dobre enlace do macrociclo.

A causa da súa fotosensibilidade, as clorinas son utilizadas como axentes fotosensibilizadores na terapia fotodinámica experimental. A clorina E6 é unha molécula usada como fotosensibilizador para obter drogas para estas terapias debido á súa forte absorción na rexión do espectro da luz vermella e a longa duración dos seus estados fotoexcitados.[6]

Notas[editar | editar a fonte]

  1. ChemSpider chlorin [1]
  2. CHEBI [2]
  3. PubChem compound Chlorin [3]
  4. Merriam-Webster dictionary - chlorin [4]
  5. "ChEBI". June 16, 2009. pp. isobacteriochlorin (CHEBI:52583). http://www.ebi.ac.uk/chebi/searchId.do?chebiId=CHEBI%3A52583. Consultado o 26 decembro 2012.
  6. MedKoo Biosciences [5]

Véxase tamén[editar | editar a fonte]

Outros artigos[editar | editar a fonte]