Catacumba

Na Galipedia, a Wikipedia en galego.
Catacumbas en Roma.

As catacumbas son unhas galerías subterráneas que algunhas civilizacións mediterráneas antigas construíron e utilizaron como lugar de enterramento. As máis coñecidas e as mellor estudadas son as catacumbas da cidade de Roma. Tamén son coñecidas as catacumbas de París, aínda que a súa orixe é ben distinta (século XVIII).

Dende un punto de vista etimolóxico, a orixe da palabra catacumba é incerta. A súa tradución literal é "burato", nome dun distrito periférico de Roma, en cuxas proximidades había un cemiterio subterráneo, onde no século III, se trasladaron provisionalmente os corpos de San Pedro e San Paulo.