Carl Stumpf

Na Galipedia, a Wikipedia en galego.

Carl Stumpf, nado en Wiesentheid o 21 de abril de 1848 e finado en Berlín o 25 de decembro de 1936, foi un filósofo e psicólogo alemán.

Traxectoria[editar | editar a fonte]

Stumpf estudou con Rudolf Hermann Lotze e con el redactou a súa disertación doutoral na Universidade de Göttingen (1868), obtendo a habilitación docente, nesa mesma universidade, en 1870. Así mesmo, foi un dos primeiros discípulos de Franz Brentano, sendo, pola súa parte, mestre de Husserl e Aron Gurwitsch. Foi tamén Stumpf o fundador da Escola de Berlín na cal destacaron algúns dos principais expoñentes da Gestalttheorie ou teoría da Gestalt: Max Wetheimer, Kurt Koffka e Wolfgang Köhler.

Carl Stumpf é famoso en filosofía por ter acuñado o concepto de estado de cousas (Sacheverhalt) que foi retomado e difundido por Husserl.

Sucesivamente empeñou o seu interese na metodoloxía empírica, converténdose un dos pioneiros na psicoloxía experimental. Foi docente nas universidades de Göttingen, Praga, Halle, Múnic e Berlín.