Bunraku

Para outras páxinas con títulos homónimos véxase: Bunraku (filme).

Patrimonio da Humanidade - UNESCO
Teatro de marionetas Ningyo Johruri Bunraku
Información
Inscrición:	2008
País:	Xapón
Localización:	Asia
Rexión:	Non dispoñible
Tipo:	Non dispoñible
Criterios:	[[Criterios de selección do Patrimonio Mundial|]]
Descrición UNESCO:	fr en

O Bunraku (文楽, Bunraku^?) é o nome xenérico polo que é coñecido o teatro de marionetas xaponés Ningyō jōruri (人形浄瑠璃, Ningyō jōruri^?) (marionetas e historias contadas). Caracterízase pola unión de tres artes escénicas distintas, as marionetas (ningyō), a recitación (jōruri) a cargo do recitador (tayū) e a música do shamisen.

O teatro de marionetas Ningyo Johruri Bunraku foi proclamado no 2003 e inscrito no 2008 na Lista representativa do Patrimonio Cultural Inmaterial da Humanidade da Unesco.

Orixes

A orixe das marionetas no Xapón non se coñece con exactitude, mais a maior parte dos estudosos coinciden que as marionetas participaban en antigos rituais relixiosos servindo como vehículo para facer chegar pregarias ós deuses, ou ben, o manipulador actuando como médium era posuído por un deus. Este tipo de uso aínda hoxe é frecuente en zonas rurais, no que a marioneta serve para protexer ós nenos de enfermidades. As figuras humanas representadas como bonecos ou marionetas, independentemente de se teñen movemento ou non, reciben en xaponés o nome de ningyō (人形), cuxo significado literal é “figura humana”.

Clasificación das marionetas

As marionetas clasifícanse seguindo diferentes criterios, un deles é polo número de manipuladores necesarios para operar con ela. Os papeis máis importantes necesitan de tres persoas, mentres que para os papeis secundarios un só operador abonda para o seu manexo.

Outra das divisións, en xeneral a máis común, é segundo o tipo de cabeza da marioneta e distingue entre personaxes femininos e masculinos, e pola idade, clase social, personalidade e papel na obra. Entre os personaxes principais máis representados están:

• danshichi ({{{2}}}, danshichi^?) Carácter forte.
• kenbishi ({{{2}}}, kenbishi^?) Oficiais.
• komei ({{{2}}}, komei^?) Heroe.
• wakaotoko ({{{2}}}, wakaotoko^?) Mozo adolescente e guapo.
• fukeoyama ({{{2}}}, fukeoyama^?) Madrastra.
• okusan ({{{2}}}, okusan^?) Esposa, irmá e vella.