Boiro Novo
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2023.) |
| Boiro Novo | |
|---|---|
| Plataforma política municipal | |
| Dirixentes e organización | |
| Líder | Dores Torrado |
| Historia | |
| Fundación | 2014 |
| Posicións políticas | |
| Ideoloxía | Municipalismo Galeguismo Esquerda política |
| Representación | |
| Concelleiros en Boiro | 1 / 17 |
| Na rede | |
  | |
Boiro Novo é unha asemblea cidadá de ámbito municipal en Boiro, presentada o 13 de decembro de 2014 de cara ás ás eleccións municipais de maio de 2015. É unha asemblea plural, diversa e feminista, a prol do medio ambiente.
Historia[editar | editar a fonte]
Nas eleccións de 2015 Boiro Novo e Esquerda Unida (EU) uníronse formando SON coa exedil do BNG Dores Torrado como candidata á alcaldía. Conseguiron 927 votos (9,71 %), por tanto unha concelleraría para a candidata á alcaldía Dores Torrado, formando parte da oposición ó goberno do PPdeG.
Nas eleccións de 2019 EU desvinculouse de Boiro Novo, e a formación acadou 709 votos (6,96 %) e de novo unha concellería para Dores Torrado, sendo chave da formación do goberno tras perdelo PP a maioría absoluta e votando a favor do candidato socialista José Ramón Romero García. Permaneceu na oposición ata que en outubro de 2021 pasou a formar parte do goberno municipal dirixíndo as concellerías de Deporte, Xuventude, Igualdade, Memoria Histórica e Lingua.
Nas eleccións de 2023 logrou 593 votos (6,05%) e 1 concellería, de novo con Dores Torrado de candidata, mais nesta ocasión pasou á oposición tras logralo PSdeG a maioría absoluta.