Avelino Méndez Suárez
| Biografía | |
|---|---|
| Nacemento | 1914  Oviedo, España |
| Morte | 24 de abril de 1939 (24/25 anos) Vilacova, España |
| Datos persoais | |
| País de nacionalidade | España |
| Actividade | |
| Ocupación | mineiro , sindicalista |
Avelino Méndez Suárez, coñecido como Asturiano, nado en Oviedo cara a 1914 e finado en Vilacova (Lousame) o 24 de abril de 1939, foi un mineiro e sindicalista anarquista asturiano.
Traxectoria[editar | editar a fonte]
Instalado en Lousame, pertenceu ao Sindicato Minero y Profesiones Varias das minas de San Fins. Co golpe de Estado do 18 de xullo de 1936 participou na resistencia marchando cos mineiros a Santiago de Compostela e despois á Coruña. Logo fuxiu ao monte. Formou parte do grupo de guerrilleiros comandado por Ramón Rodríguez Varela no que se integraron Celestino Horta Resúa, Hilario Arroyo, Manuel Fernández Valle, Abdón de Ces e José Dias, que actuaron en Lousame. Logo dun atraco nas minas o 14 de abril de 1937 tentaron marchar cara Asturias. Ao non conseguilo volveron a Lousame e seguiron agochados no monte. Avelino foi asasinado nunha galería na que se agochaba na Fionsa polo cabo da Garda Civil Ríos, destacado nas minas de San Fins, o 24 de abril de 1939.
Véxase tamén[editar | editar a fonte]
Bibliografía[editar | editar a fonte]
- Agrafoxo, Xerardo (2002). Memorias do franquismo. Noia: Toxosoutos. pp. 53–74. ISBN 84-95622-60-2.
- Breve historia da coluna Sanfins
Ligazóns externas[editar | editar a fonte]
- Avelino Méndez Suárez na páxina web Nomes e Voces.