Aurora Vidal Caramés
| Biografía | |
|---|---|
| Nacemento | 23 de marzo de 1934  (90 anos)Pontevedra, España |
| Datos persoais | |
| País de nacionalidade | España |
| Actividade | |
| Ocupación | mestra , escritora |
| Lingua | Lingua castelá |
| Familia | |
| Pai | Xoán Vidal Martínez |
María Dolores Aurora Vidal Caramés, nada en Pontevedra o 23 de marzo de 1934, é unha mestra e escritora galega.
Traxectoria[editar | editar a fonte]
Filla de Xoán Vidal Martínez e María Josefa Aurora Caramés Monteagudo, nada en Vilar de Mato (Cequeril, Cuntis)[1]. Tivo tres irmáns e catro irmás, entre elas a tamén escritora Clementina Vidal Caramés, e foi sobriña da poeta Aurora Vidal Martínez.
En 1949 representou o papel protagonista dunha obra de teatro da súa tía, Camino de Belén. Estudou Maxisterio e en 1960 foi destinada a Icod de los Vinos, Tenerife. En 1970 estreouse a súa obra Belén Isleño no Teatro Guimerá de Santa Cruz de Tenerife, editado en 1982 e aínda representado decote no Nadal nas illas Canarias.
En 1984 regresou a Pontevedra, onde fundou e dirixiu unha aula de teatro escolar. Entre 1994 e 2004 formou parte da Coral Polifónica de Pontevedra.
Vida persoal[editar | editar a fonte]
Casou en 1958 con Joaquín Sanmartín Carballeda[2]
Obra[editar | editar a fonte]
- Belén Isleño (1982)
- Niebla en la orilla (1988; prólogo de Carlos Acosta)
- De crepúsculo a crepúsculo (2005)
- Voz alzada (2008)
- Páxinas da memoria (2009)
- Xoán Vidal Martínez: vida e obra (Deputación de Pontevedra, 2009; xunto a Clementina Vidal Caramés)
- Derradeira proeza do Marqués de Bradomín pola que tomou parte nas súas exequias (2010)
- Citania (2011; con Clementina Vidal Caramés)
- Nivaria (2011)
Participación en escolmas[editar | editar a fonte]
- Antología poética del Grupo Tambo (2000)
- Coroa literaria para Roberto Blanco Torres
- 47 poetas de hoxe cantan a Curros Enríquez
Notas[editar | editar a fonte]
- ↑ Xoán Vidal, na web Xenealoxía.
- ↑ "Ares. Enlace Sanmartín-Vidal". El Correo Gallego. 19 de xullo de 1958.
