Antonio Piñeiro Feijoo

Para outras páxinas con títulos homónimos véxase: Antonio Piñeiro.

Antonio Piñeiro Feijoo

Biografía
Nacemento	21 de decembro de 1959 (64 anos) Celanova, España
Datos persoais
País de nacionalidade	España
Actividade
Ocupación	xornalista , funcionario
Lingua	Lingua galega

Antonio Piñeiro Feijoo, nado en Celanova o 21 de decembro de 1959, é un funcionario, xornalista e escritor galego.

Traxectoria

Estudou para enxeñeiro industrial, primeiro na Universidade Laboral de Xixón e logo na Universidade de Vigo (daquela aínda pertencente á Universidade de Santiago), se ben non se chegou a diplomar. En 1987 entrou a traballar como funcionario no concello de Celanova, onde permaneceu o resto da súa vida laboral, e onde ocupou diversos postos en asuntos culturais e de comunicación.

Promotor de diversas actividades culturais na Terra de Celanova, foi secretario da Fundación Curros Enríquez e do Seminario de Estudios Celanovenses.

Como xornalista foi delegado na súa comarca do xornal La Región nas décadas de 1980 e 1990, onde adoito escribiu con regularidade columnas de opinión. Esas colaboracións estendéronse tamén ao longo das décadas posteriores. Tamén colaborou noutros medios locais e con revistas culturais, como Auria e Raigame, onde publicou artigos de etnografía e historia local.

Obra

• 140 anos da Historia da Banda de música municipal de Celanova.
• Pepe Velo, pensador, soñador e mestre revolucionario (Xerais, 2000)
• Celanova. Monasterio de San Salvador (Edilesa, 2007, a canda Miguel Ángel González García).
• Xosé Velo Mosquera. Poeta e soñador, político e pensador, revolucionario e mestre (Ir Indo, 2008).
• Anónimos (Duen de Bux), publicación que recolle medio cento de relatos curtos elaborados a partir de fotografías de Xosé Vázquez Arias, o Rizo.