Antonio María Esquivel

Antonio María Esquivel
	;
Biografía
Nacemento	8 de marzo de 1806 ; Sevilla, España
Morte	9 de abril de 1857 (51 anos); Madrid, España
Lugar de sepultura	cemiterio de San Justo de Madrid
Pintor de cámara
Datos persoais
País de nacionalidade	España
Educación	Royal Academy of Fine Arts of Saint Isabel of Hungary (en) ; Real Academia de Belas Artes de San Fernando
Actividade
Ocupación	pintor
Xénero artístico	Retrato
Alumnos	José Domínguez Bécquer (pt) , Carlos María Esquivel (pt) , Gabriel Maureta Aracil (pt) , Marcos Hiráldez Acosta (pt) e Ángel Alonso Martínez (pt)
Lingua	Lingua castelá
Familia
Fillos	Vicente Esquivel (pt) , Carlos María Esquivel (pt)
	Premios Comendador da Orde de Sabela a Católica ;

Antonio María Esquivel, nado en Sevilla o 8 de marzo de 1806 e finado en Madrid o 9 de abril de 1857, foi un pintor español.

Traxectoria[editar | editar a fonte]

Fillo dun oficial de cabalería finado na Batalla de Bailén cando Antonio María tiña dous anos. En 1823 participou na defensa de Cádiz fronte aos Cen Mil Fillos de San Luís.

Estudou na Escola de Debuxo de Sevilla. En 1831, xa casado, trasladouse a Madrid, onde foi nomeado académico da Real Academia de Belas Artes de San Fernando. Durante unha longa enfermidade perdeu temporalmente a visión debido a unha afección herpética, o que o levou a unha depresión (tentou botarse ao río en dúas ocasións) da que logrou saír grazas á intervención de Xenaro Pérez Villamil. Este abriu unha subscrición no Liceo Artístico e Literario de Madrid para lograr os fondos cos que custear un tratamento cun médico francés, cousa que conseguiu coa colaboración dos principais artistas españois do momento. Trala súa recuperación, en agradecemento á Sociedade, entregoulle o seu cadro A caída de Luzbel, e lembrando a moitos daqueles que colaboraron pintou o seu célebre "Os Poetas" (1846), onde os retratou. Hai que lembrar que un dos pintores que colaboraron á rifa entregando unha das súas obras foi o compostelán Ramón Antonio Gil Rey, membro coma el da Real Academia de Belas Artes de San Fernando.

Entre as súas obras están, de tema relixioso Adán e Eva, A casta Susana, O anxo das ánimas, A virxe de Belén, Xesús no horto e O milagre do resucitado en Rami; de tema histórico A campá de Huesca; de tema mitolóxico O nacemento de Venus; e os retratos Isabel II e a infanta Luisa Fernanda, Julián Romea, O neno Manuel Flores Calderón e Dona María Cristina.