Antonio García Noriega

Engadir ligazóns
Na Galipedia, a Wikipedia en galego.
Noriega
Información persoal
Nome Antonio García Noriega
Nacemento 23 de febreiro de 1910
Lugar de nacemento A Coruña
Falecemento 28 de abril de 1933
Lugar de falecemento A Coruña
Posición Defensa
Carreira xuvenil
1926–1929 Deportivo da Coruña
Carreira sénior
Anos Equipos Aprs (Gls)
1929–1930 Deportivo da Coruña 4 (0)
1931–1933 Club Coruña
Partidos e goles só en liga doméstica.

[ editar datos en Wikidata ]

Antonio García Noriega, nado na Coruña o 23 de febreiro de 1910 e finado na mesma cidade o 27 de abril de 1933, foi un futbolista galego, que xogaba de defensa.

Traxectoria[editar | editar a fonte]

Naceu na Coruña o 23 de febreiro de 1910. Os seus pais, Eugenio García e Marina Noriega, rexentaban un establecemento na rúa da Atocha Baixa.[1]

Comezou a xogar ao fútbol no equipo infantil do Deportivo da Coruña, na tempada 1926/27,[2] e debutou co primeiro equipo o 17 de marzo de 1929,[3] nun partido amigable contra o Eiriña no antigo campo de Riazor que acabou con goleada para o equipo coruñés por 7-0 e no que foi un dos xogadores máis destacados.[4][5] Un mes despois debutou na Segunda División, que celebraba a súa edición inaugural, nunha vitoria por 5-2 sobre o Racing de Madrid.[6] Disputou un total de catro partidos na categoría de prata durante esa campaña e a seguinte, e competiu tamén no Campionato de Galicia.

En 1931 fichou polo Club Coruña,[7] no que xogou ata a súa morte dous anos despois. Mentres realizaba o servizo militar xogou tamén cun equipo de militares, co que se enfrontou varias veces ao Deportivo da Coruña.[8] Posteriormente traballou no Banco de La Coruña.[9]

O 27 de abril de 1933, con só 23 anos, faleceu na súa casa da rúa Panadeiras, onde vivía coa súa muller Consuelo Varela Paz, coa que casara catro anos antes,[10] e cos seus dous fillos, Antonio e María Estrella.[9] Aínda que nun principio a prensa falou de suicidio,[1] a posterior investigación concluíu que se tratou dunha morte accidental.[11]

Notas[editar | editar a fonte]

  1. ↑ 1,0 1,1 "El suicidio de anoche". La Voz de Galicia (en castelán). 28 de abril de 1933. p. 2. 
  2. ↑ "Noriega". El Ideal Gallego (en castelán) (3946). 29 de abril de 1933. p. 5. Consultado o 21 de maio de 2022. 
  3. ↑ "El Deportivo derrota al Eiriña". La Voz de Galicia (en castelán). 19 de marzo de 1929. p. 5. 
  4. ↑ "Deportivo, 7-Eiriña 0". El Ideal Gallego (en castelán) (3443). 19 de marzo de 1929. p. 4. Consultado o 22 de maio de 2022. 
  5. ↑ "El Deportivo vence al Eiriña". El Noroeste (en castelán) (14021). 19 de marzo de 1929. p. 3. Consultado o 22 de maio de 2022. 
  6. ↑ "El "Deportivo" gana al "Racing" de Madrid por 5 a 2". El Ideal Gallego (en castelán) (3472). 23 de abril de 1929. p. 1. Consultado o 22 de maio de 2022. 
  7. ↑ "Mañana en San Amaro". El Noroeste (en castelán) (14126). 14 de marzo de 1931. p. 3. Consultado o 22 de maio de 2022. 
  8. ↑ "El "Deportivo" vence a la selección militar por 10-1". El Ideal Gallego (en castelán) (3614). 26 de abril de 1932. p. 5. Consultado o 22 de maio de 2022. 
  9. ↑ 9,0 9,1 "Obituario". El Ideal Gallego (en castelán) (3945). 28 de abril de 1933. p. 4. Consultado o 22 de maio de 2022. 
  10. ↑ "Registro civil". El Ideal Gallego (en castelán) (3617). 26 de novembro de 1929. p. 3. Consultado o 22 de maio de 2022. 
  11. ↑ "Noriega". La Voz de Galicia (en castelán). 29 de abril de 1933. p. 1. 
Traído desde «https://gl.wikipedia.org/w/index.php?title=Antonio_García_Noriega&oldid=6137869»