Anosognosia

Anosognosia
Especialidade	psicoloxía, psiquiatría, neuroloxía, neurociencia
	Aviso médico. Advertencia: A Wikipedia non dá consellos médicos.; Se cre que pode requirir tratamento, por favor, consúltello ao médico.

A anosognosia (do grego : a, prefixo privativo + nosos, enfermidade + gnose, coñecemento: "descoñecemento da enfermidade") é a situación referida a pacientes que non teñen percepción dos seus déficits funcionais neurolóxicos.

Terminoloxía[editar | editar a fonte]

A anosognosia é, polo tanto, unha negación da propia patoloxía neurolóxica: o paciente non admite que algo lle está a ir mal, sendo a causa deste déficit un dano orgánico que realmente está a impedir dita percepción.

Cómpre, polo tanto, distinguir a anosognosia da negación, na que o paciente sabe realmente que algo lle está a pasar pero non está disposto a admitilo polas repercusións emocionais que iso implica.^[1]

Por outra banda, un caso particular tamén chamado de xeito xeral anosognosia é tamén a perda da capacidade para recoñecer ou darse conta dun defecto funcional dunha extremidade afecta de parálise, e garda relación con lesións do hemisferio non dominante e con hemiparesia^[2].

A anosognosia foi descrita por primeira vez por Joseph Babinski, en 1914 (síndrome de Anton-Babinski) ao se referir á inconsciencia dunha hemiplexia.^[1]

Patoloxías nas que aparece[editar | editar a fonte]

A anosognosia pode ocorrer en diferentes patoloxías neurolóxicas, dificultando en xeral o proceso de rehabilitación. Algunhas das patoloxías nas que aparece son:

Enfermidade de Alzheimer e outros trastornos demenciais.
Deterioracióndas funcións executivas por danos no lóbulo parietal.
Accidentes cerebrovasculares (ACV)
Algúns trastornos da memoria como a síndrome de Korsakoff.
Cegueira cortical.
Afasia de Wernicke.

Notas[editar | editar a fonte]

↑ ^1,0 ^1,1 Donoso, Archibaldo (2002-04). "Anosognosia en enfermedades cerebrales". Revista chilena de neuro-psiquiatría 40 (2): 69–78. ISSN 0717-9227. doi:10.4067/S0717-92272002000200008.
↑ "anosognosia, páx. 39" (PDF). edu.xunta.gal; DXPL; Dicionario galego de termos médicos. Arquivado dende o orixinal (PDF) o 10 de novembro de 2021. Consultado o 14 de xullo de 2022.

Véxase tamén[editar | editar a fonte]

[:0-1] 1,0 ^1,1 Donoso, Archibaldo (2002-04). "Anosognosia en enfermedades cerebrales". Revista chilena de neuro-psiquiatría 40 (2): 69–78. ISSN 0717-9227. doi:10.4067/S0717-92272002000200008.

[2] "anosognosia, páx. 39" (PDF). edu.xunta.gal; DXPL; Dicionario galego de termos médicos. Arquivado dende o orixinal (PDF) o 10 de novembro de 2021. Consultado o 14 de xullo de 2022.

[1]

[2]