Andrea Oubiña
| Biografía | |
|---|---|
| Nacemento | 10 de novembro de 1990  (33 anos)O Grove, España |
| Datos persoais | |
| País de nacionalidade | España |
| Actividade | |
| Ocupación | remeira |
| Lingua | Lingua galega e lingua castelá |
| Deporte | Remo |
Andrea Oubiña Rodríguez, nada no Grove o 10 de novembro de 1990, é unha remeira galega que gañou a Bandeira da Concha feminina en oito ocasións, ademais da liga ACT feminina en cinco.[1]
Tamén obtivo varios títulos nacionais en bateis e traíñas, así como campionatos de Galicia e regatas en todas as categorías.
Traxectoria[editar | editar a fonte]
En 2002, comezou a remar en Amegrove, club no que estivo durante tres anos, antes de ir ó Náutico de Vigo.[2] Para os vigueses competiu durante 2006 e 2007, gañando o campionato de España de Bateis en categorías cadete. En 2008, fichou por Samertolameu de Meira, formando parte dende entón da traiñeira conxunta de clubs galegos que competiu na Bandeira da Concha.
Traiñeira galega[editar | editar a fonte]
En 2008, e tras 128 anos de historia da Bandeira da Concha masculina, os organizadores, o Concello de San Sebastián, decidiu crear a primeira edición da súa regata para mulleres, onde participou Andrea como parte do equipo galego.[3] A proba disputouse en dúas regatas, unha xornada clasificatoria celebrada o 13 de setembro ás 18 horas e a regata final o día 14 ás 11:00 horas, nun percorrido de 2.778 metros cunha soa ciaboga.[4] As súas compañeiras formaban parte dos clubs Cabo da Cruz, Chapela e Samertolameu de Meira, e impuxéronse por menos de cinco segundos a Estaleiro. Ese ano tamén se adxudicou a Bandeira Concello de Redondela de bateis.[5]
No primeiro ano da liga ACT feminina, en 2009, o equipo de Galicia presentouse cunha formación composta por remeiras de Chapela, Samertolameu e Cabo da Cruz.[6] Adxudicáronse cinco das sete bandeiras da liga, sumando finalmente 23 puntos, polos 15 do seu máis inmediato perseguidor, a selección biscaíña.[7] Ese ano tamén se clasificaron para a Bandeira da Concha. Na final, Getaria-Tolosa comezou en primeiro lugar, pero a tripulación galega recuperouse e revalidaron o seu triunfo do ano anterior con tres segundos de vantaxe sobre Astillero.[8]
Notas[editar | editar a fonte]
- ↑ Pablo Penedo. "Andrea Oubiña engorda su palmarés único con su cuarta Liga Euskotren". La Voz de Galicia.
- ↑ Pablo Penero. "La emperatriz del remo español". La Voz de Galicia.
- ↑ "Galicia gana la primera bandera femenina de La Concha". La Voz de Galicia.
- ↑ Gaizka Lasa. "Un millón por hacer historia". Diario Vasco.
- ↑ "HISTORIAL DE DEPORTISTAS Y BANDERAS DEL CLUB". Samertolameu de Meira.
- ↑ "Galicia contará con un equipo femenino en el estreno de la ACT". La Voz de Galicia.
- ↑ "Galicia gana la primera Liga femenina". El Progreso.
- ↑ Gaizka Lasa. "Sabor a Rianxeira en la Bandera Femenina de La Concha".