Al-Maqqari

Na Galipedia, a Wikipedia en galego.

Al Maqqari, de nome completo Shihab al-Din Abul Abbas Ahmad ibn Muhammad ibn Ahmadben Yahya al Khurashi foi un historiador árabe nado en Tlemcen (Alxeria) no ano 1591 e falecido no Cairo (Exipto) no ano de 1632.

Estudou no norte de África, en Fez e Marrakech, onde viviu adicado a tarefas literarias desde a súa primeira peregrinación á Meca no ano 1618. No ano seguinte estabeleceuse no Cairo. No ano 1620 visitou Xerusalén e Damasco e, durante os seguintes seis anos, realizou a peregrinación outras cinco veces.