Abartzuza (en éuscaro) ou Abárzuza (en castelán, as dúas formas oficiais) é un concello de Navarra, situado no meiriñado de Estella, na comarca de Estella Oriental e a 37 km da capital da comunidade, Pamplona. En 2013 tiña 556 habitantes (INE), o termo municipal ten unha superficie de 23,02 km² e a súa densidade de poboación é de 24,15 hab./km².
O nome do concello provén do éuscaro e vería a significar lugar abondoso en leña; de abar (póla en éuscaro), zur (madeira) ou tzu (sufixo de abundancial) e -tza (sufixo abundancial ou locativo). No 2011, o concello, que está situado lingüisticamente na zona mixta de Navarra, adoptou unha denominación cooficial en lingua éuscara.
O concello divídese nas seguintes entidades de poboación, segundo o nomenclátor de poboación publicado polo INE (Instituto Nacional de Estadística). Os datos de poboación refírense a 2014.
.jpg)
