A formiga atómica

Na Galipedia, a Wikipedia en galego.

A formiga atómica (Atom Ant, nome orixinal en inglés) é unha personaxe de debuxos animados que representa unha formiga superheroe. Foi creada por creada por William Hanna e Joseph Barbera en 1965.

Características[editar | editar a fonte]

A formiga atómica ten a súa base nun formigueiro onde posúe un sistema informático e mais un ximnasio. Os seus poderes principais son a capacidade de voar, a velocidade vertixinosa e unha forza asombrosa. Vai equipada cun casco con dous buratos por onde lle saen as antenas coas que capta as chamadas de perigo. Ademais leva unha camiseta cun grande "A" escrito como abreviatura de Atom Ant. A miúdo é a policía quen a avisa para encargarlle misións, se ben moitas delas son parodias de Batman.

O seu nome é practicamente homófono de adamant, palabra inglesa que significa "inflexíbel", o que xogaría coa forza característica das formigas. O seu grito de guerra é: "Contra o mal, a Formiga Atómica!" ("Up and At 'em, Atom Ant!" en inglés).

Véxase tamén[editar | editar a fonte]

Outros artigos[editar | editar a fonte]