2010 FIFA World Cup South Africa (videoxogo)

Na Galipedia, a Wikipedia en galego.

2010 FIFA World Cup South Africa é o videoxogo oficial do Mundial de Fútbol Sudáfrica 2010, publicado por EA Sports.[1]

O videoxogo foi anunciado o 26 de xaneiro do ano 2010 por GameSpot, e lanzado en Estados Unidos o 27 de abril de 2010.[1] Este xogo contén 199 das 204 seleccións de fútbol que existen no mundo e tamén inclúe as probas de clasificación para o mundial 2010, as únicas seleccións que xogaron as probas clasificatorias e que non aparecen no xogo son a República Central Africana, a Selección nacional de Eritrea, a Selección de Fútbol de São Tomé e Príncipe, Bután e Guam.

Ademais tampouco aparecen as seleccións de Brunei, Laos, Papúa Nova Guinea e as Filipinas.

Valoracións[editar | editar a fonte]

O xogo foi valorado cun nove para a edición para PS3, cun oito con tres para Xbox, cun seis para PSP e cun seis con cinco para Wii.

Notas[editar | editar a fonte]